2017 йил давомида жами 123 тадбиркорга туризм фаолиятини амалга ошириш ҳуқуқини берувчи лицензиялар берилди. Бу ҳақда Туризмни ривожлантириш давлат қўмитаси матбуот хизмати хабар қилган.

Лицензиялар Ўзбекистон Республикаси Вазирлар Маҳкамасининг 2017 йил 6 апрелдаги «Туризм фаолиятини лицензиялаш тартиби тўғрисидаги Низомни тасдиқлаш ҳақида»ги 189-сонли қарорига мувофиқ Ўзбекистон Республикаси Туризмни ривожлантириш давлат қўмитаси томонидан берилади.
 
Шу билан бирга, Ўзбекистон Республикаси Вазирлар Маҳкамасининг 2017 йил 5 июндаги «Туроператор ва меҳмонхона хизматларини сертификатлаштириш тартиби тўғрисидаги Низомни тасдиқлаш ҳақида»ги 355-сонли қарорга мувофиқ Қўмита тузилмасидаги «Туризм хизматларини сертификатлаш маркази» томонидан жами 91 та янги ташкил этилган жойлаштириш воситаси (меҳмонхона)га тегишли мувофиқлик сертификатлари берилди.