AQSh prezidenti Oq uydagi yig‘ilishda irqiy kamsitishlarga yo‘l qo‘ydi

AQSh prezidenti Donald Tramp payshanba kuni mamlakatda immigratsiya siyosatini isloh qilishga bag‘ishlab o‘tkazilgan yig‘ilishda irqiy kamsitishlarga yo‘l qo‘ydi. Bu haqda Politico va Washington Post nashrlarning mustaqil axborot manbalari xabar bergan.

Ma'lum qilinishicha, Tramp qonun ijodkorlari bilan yig‘ilish o‘tkazib, barchaga GreenCard (Grinkarta) lotereyasini tartibga solish, iloji boricha nazoratdagi immigratsion tizimni yaratish zaruriyatini uqtirgan.

Shundan so‘ng, mutaxassislar guruhi prezidentga nazoratdagi tizim yaratilganda, Afrika mamlakatlari fuqarolari AQShga qanday kelishi mumkinligini tushuntirib bermoqchi bo‘lgan. G‘arb nashrlarining yozishicha, Tramp o‘sha zahoti o‘rtaga «nega biz ana shunday qasang‘i davlatlardan odamlarni qabul qilishimiz kerak?», deya savol tashlagan.

Oq uy rasmiylari hozircha bu jumla yig‘ilishda ishlatilmaganini inkor etmayapti.

«Bizga Norvegiya singari davlatlardan odamlar kerak», deb masalaga oydinlik kiritgan AQSh prezidenti.

Eslatib o‘tamiz, hafta boshlanishida Amerika Qo‘shma Shtatlari prezidenti Donald Tramp Norvegiya Bosh vaziri Erna Solberg bilan uchrashgandi.