Қўшма Штатларнинг компьютер хавфсизлиги соҳасида иш олиб борувчи ThreatConnect Inc компанияси махсус баёнот билан чиқди. Унда рус ҳакерлари Пёнгчангдаги Олимпиада вақтида допингга қарши агентликлар сайтларига ҳужум қилиши мумкин экани ҳақида сўз юритилади. Бу ҳақдаги тегишли баёнот компания сайтида эълон қилинди.

Компания Бутунжаҳон допингга қарши агентлиги (WADA) комиссияси, АҚШ допингга қарши агентлиги ва Осиё Олимпия кенгаши сайтларидан нусха олувчи учта янги домен рўйхатдан ўтказилганидан сўнг шундай хулосага келган.

ThreatConnect Inc доменлардан жиноий мақсадларда фойдаланилади, деб иддао қилаётгани йўқ, бироқ сайтлар кейинги ҳужумлар учун ўзига хос базага айланиши мумкинлиги тахмин қилинди.