O‘zbekiston o‘tgan yilda necha million dollarlik meva-sabzavotni eksport qilgani aytildi

O‘zbekistonda 2017 yil yanvar-dekabr oylarida meva-sabzavot mahsulotlari va ularni qayta ishlash eksport hajmi 708,8 mln AQSh dollarini tashkil qildi, yoki o‘tgan yilning shu davriga nisbatan 15,6 foizga oshdi. Bu haqda Davlat statistika qo‘mitasi ma'lum qildi.

Meva-sabzavot mahsulotlari va ularni qayta ishlash eksport hajmida 35,9 foizni meva va rezavorlar (o‘tgan yilning shu davriga nisbatan 17,0 foizga o‘sdi), 30,7 foizni sabzavotlar (18,6 foizga), 22,5 foizni uzum (12,2 foizga) va 4,1 foizni qayta ishlangan meva va sabzavot mahsulotlari (49,9 foizga) tashkil qiladi.

Tashqi savdo aylanmasida asosiy hamkor davlatlar Qozog‘iston (umumiy hajmdan 46,4 foiz), Rossiya (18,0 foiz), Afg‘oniston (6,6 foiz), Xitoy (5,7 foiz), Turkiya (4,5 foiz), Qirg‘iziston (4,3 foiz) va Iroq (1,7 foiz) hisoblanadi.