«Juda xavfli». Saakashvili Poroshenkoning FXX bilan ehtimoliy aloqalari haqida izoh berdi

Ukrainaning Odessa oblasti sobiq gubernatori Mixail Saakashvili mamlakat prezidenti Pyotr Poroshenko go‘yoki Rossiya Federal xavfsizlik xizmatiga murojaat bilan chiqqani haqida tarqalgan xabarlarga izoh berdi.

«Men dastxatni tekshiradigan grafolog emasman. Biroq, Poroshenkoning prezidentligi hozirgi bosqichdayoq mamlakat uchun juda xavfli, deb hisoblayman. U FXX bilan hamkorlik haqidagi rasmiy hujjatni e'tiborsiz qoldirgani va uni yo‘qotishga urinmagani, shu darajada ahmoq ekaniga ishonmayman», - deya yozdi Saakashvili Facebook’dagi sahifasida.

Avvalroq, Gruziyaning «Rustavi 2» telekanali go‘yoki Poroshenkoga tegishli bo‘lgan bayonotni e'lon qildi, unda u Rossiyaga qarshi faoliyat bilan shug‘ullanmaslik hamda amaldagi qonunchilikka rioya etish haqida va'da bergan.

Ukraina prezidenti ma'muriyatida OAV tomonidan e'lon qilingan hujjatlarni «past sifatli soxta narsa va feyk» deb atashdi.