23:10 / 19.01.2018
70956

Aqto‘bedan uchgan maxsus samolyot Toshkentga qo‘ndi

Qozog‘istonning Aqto‘be oblastida avtobus yonib ketishi oqibatida halok bo‘lgan 52 nafar o‘zbekistonlikning jasadini olib uchgan maxsus samolyot bugun, soat 22:30da Toshkentga qo‘ndi. «Kun.uz» manbasining tasdiqlashicha, DNK-ekspertiza ishlari Toshkentda davom ettiriladi.

18 yanvar kuni Qozog‘istonning Aqto‘be viloyati Irg‘iz tumanida, «Chimkent — Samara» yo‘lining 1068-kilometrida Qozog‘iston janubidan Rossiyaning Qozon shahriga ketayotgan yo‘lovchi avtobusi harakat davomida yonib ketdi. Yong‘in boshlangan vaqtda avtobusda 57 kishi bo‘lgan. Ularning 54 nafari O‘zbekiston fuqarosi edi. Fojiadan faqat 5 kishi omon qoldi, shundan 2 kishi o‘zbekistonlik.

Ushbu hodisa munosabati bilan 18 yanvar kuni Qozog‘istonda ham, O‘zbekistonda ham hukumat komissiyalari tuzildi. Bosh vazir Abdulla Aripov rahbar etib belgilangan O‘zbekistondagi maxsus komissiyaga avariya natijasida jabrlangan va halok bo‘lgan O‘zbekiston fuqarolarini Vatanga yetkazish bilan bog‘liq tashkiliy ishlarni hal etish vazifasi topshirilgandi.

Dastlabki tekshiruvlardan keyin marhumlarning 32 nafarining shaxsi aniqlashtirildi. Endi qolgan jasadlarning shaxsi Toshkentda DNK-ekspertiza orqali aniqlashtiriladi.

Mavzu
Aqto‘beda fojia

Qozog‘istonda yo‘lovchi avtobusi yonib ketishi oqibatida kamida 52 kishi halok bo‘ldi. Ular O‘zbekiston fuqarolari edi

Barchasi
Top