Londondagi Getvik aeroportidan Mavrikiyga uchmoqchi bo‘lgan yo‘lovchilar parvozni amalga oshirishi kerak bo‘lgan British Airways aviakompaniyasi uchuvchisi ustidan shikoyat qilishdi.
Daily Mail ma'lumotlariga ko‘ra, 2063-reys yo‘lovchilari uchuvchidan spirtli ichimlik hidi kelayotganini sezishgan va politsiya chaqirtirishgan. Politsiya uchuvchini darhol hibsga olgan.
300ga yaqin yo‘lovchi 18 yanvarda mahalliy vaqt bilan soat 20:20da Mavrikiyga uchishlari kerak bo‘lgan. Biroq reysni mast uchuvchi sababli 2,5 soatdan ko‘proqqa qoldirishga to‘g‘ri kelgan. Samolyot soat 22:56da havo ko‘tarilgan va 11 soatdan keyin Mavrikiyga muvaffaqiyatli qo‘ngan.
Uchuvchi ishdan bo‘shatilishi mumkin. Aviakompaniyaning o‘zida bu voqeaga izoh berilmagan.
