Qozog‘istonda reys bo‘yicha qatnovchi barcha avtobuslar holati tekshiriladi

Qozog‘iston Investitsiyalar va rivojlanish bo‘yicha vazirligi huzuridagi transport qo‘mitasi IIV ma'muriy politsiyasi bilan birgalikda «Avtobus» tezkor-profilaktik tadbirni o‘tkazadi.

Qozog‘iston Investitsiyalar va rivojlanish bo‘yicha vazirligi matbuot xizmati xabariga ko‘ra, qaror Aqto‘be viloyatida 18 yanvar kuni yuz bergan fojia tufayli qabul qilingan.

22 yanvar – 18 fevral kunlariga rejalashtirilgan tekshiruv tumanlararo, shaharlararo, viloyatlararo va xalqaro qatnovda yo‘lovchilar hamda yuk tashish bilan shug‘ullanuvchi transport va haydovchilarni qamrab oladi. Texnik holatda qoidabuzarliklar aniqlansa, bu ularni qatnovdan olishgacha bo‘lgan choraga olib kelishi mumkin.

Avtotransport harakatining ehtimoliy yashirin yo‘nalishlarini aniqlash bo‘yicha transport nazorati inspeksiyasi xodimlari va jamoatchilik vakillari orasidan mobil guruhlar tashkil etiladi. Alohida e'tibor avtoransportning majburiy va reysdan avvalgi texnik ko‘rigi hamda haydovchilarni tibbiy ko‘rikdan o‘tkazishga qaratiladi.

Avvalroq FVV Qozog‘istonga borishni rejalashtirayotgan O‘zbekiston fuqarolariga murojaat bilan chiqqani xabar berilgandi.