Foto: Reuters
Turkiya qurolli kuchlari Suriyaning Afrinidagi «Zaytun novdasi» amaliyoti davomida qariyb 400 nafar terrorchini yo‘q qildi. Bu haqda Anadolu mamlakat bosh shtabiga tayangan holda xabar bermoqda.
Taqdim etilgan ma'lumotlarga ko‘ra, turk harbiy xizmatchilari amaliyotning yetti kuni davomida 394 terrorchini yo‘q qilgan va Suriya shimoli-g‘arbidagi 340 obektga zarbalar bergan.
«Turkiya armiyasi Afrindagi tinch aholiga zarar yetkazmaslik uchun qo‘lidan kelgan barcha ishni qilmoqda», - deya ta'kidlanadi mahkama bayonotida.
Eslatib o‘tamiz, avvalroq Turkiya tashqi ishlar vaziri Mavlud Chavusho‘g‘li AQShni Suriyadagi qurollangan kurdlar tuzilmalari masalasi bo‘yicha berilgan barcha va'dalarni buzishda ayblagandi.
