Futzal. O‘zbekiston terma jamoasining chorak finaldagi raqibi ma'lum bo‘ldi

Xitoy Taypeyida davom etayotgan futzal bo‘yicha Osiyo chempionatida ishtirok etayotgan O‘zbekiston terma jamoasining chorak finaldagi raqibi ma'ulm bo‘ldi. 

«A» guruhida so‘nggi turda Vetnam termasi mezbon Xitoy Taypeyi terma jamoasini 3:1 hisobida mag‘lub etdi va 6 ochko bilan guruhda 1-o‘rinni egalladi. Bahrayn esa Malayziyani xuddi shunday hisobda yengdi. Natijada bahraynliklar guruhda 4 ochko to‘plashdi. Xitoy Taypeyi ham shuncha ochko jamg‘argandi. Bu ikki jamoa o‘zaro durang o‘ynashgandi, ammo to‘plar nisbatidagi farq evaziga Bahrayn 2-o‘rin bilan chorak final yo‘llanmasini qo‘lga kiritdi.

Natijada, chorak finalda O‘zbekiston terma jamoasi Vetnam terma jamoasiga qarshi maydonga tushadigan bo‘ldi. Yaponiya esa Bahrayn bilan kuch sinashadi. Ikkala uchrashuv ham 8 fevral kuni, Toshkent vaqti bilan soat 16:00da boshlanadi.