Toshkent metropolitenida suratga olishga qo‘yilgan taqiq bekor bo‘lmoqda

Foto: Afisha.uz
Endilikda Toshkent metropolitenida fotosurat va videolavhaga olish taqiqlanmaydi. Bu haqda Xalqaro press-klubning navbatdagi sessiyasida ishtirok etayotgan «Kun.uz» muxbiri Turizmni rivojlantirish davlat qo‘mitasi raisi Aziz Abduhakimovga asoslanib xabar berdi.
«Metroda ham tasvirga olish mumkin. Hech qanday muammo yo‘q. Bizda dunyodagi eng chiroyli metro bor, uni reklama qilishimiz kerak. Hozirgacha mumkin emasdi, ammo prezident bularning barchasini tasvirga olish mumkinligini aytdi», — degan Abduhakimov.
U suratga olishni taqiqlovchi belgi bo‘lmagan joylarda foto va videos'yomka qilish mumkinligini qo‘shimcha qilgan.
Shuningdek, uning aytishicha, Toshkent metropolitenida Wi-Fi o‘rnatish imkoniyatlari ko‘rib chiqilmoqda.
Qayd etish kerakki, bugungi kunga qadar foto va video tasvirga olishga taqiq metropolitendan foydalanish qoidalarida belgilab qo‘yilgan, huquqni muhofaza qilish organlari xodimlari metroda tasvirga olishga bo‘lgan barcha urinishlarning oldini oladi, mobil qurilmalardan tasvirlarni o‘chirtiradi.
6 fevral kuni O‘zbekiston prezidenti Shavkat Mirziyoyev kirish turizmini rivojlantirish chora-tadbirlari to‘g‘risidagi qarorini imzoladi. Ushbu hujjatga ko‘ra, turistlarga jamoat joylari, bino va inshootlarni hech qanday taqiqlarsiz suratga olishga ruxsat berilgan. Hozirda hukumatda tasvirga olish taqiqlangan obektlar ro‘yxatini tasdiqlovchi hujjat loyihasi ko‘rib chiqilmoqda.
Aziz Abduhakimov Ichki ishlar vaziri yaqin vaqt ichida majlis o‘tkazib, xodimlarga mamlakatda avvalgidek tasvirga olishga qat'iy taqiqlar bekor bo‘lganini ma'lum qilishini bildirib o‘tdi.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
Bundesver strategiyasida Rossiya «ekzistensial xavf» deb ataldi
Jahon | 09:30
-
Kimga imtiyozli ijtimoiy xizmatlar uchun vaucher beriladi?
O‘zbekiston | 09:03
-
Putin Rossiyaning butun Ukrainaga bo‘lgan da’vosi haqida ma’lum qildi
Jahon | 08:41
-
Depozitar operatsiyalar hisobini yuritish qoidalari tasdiqlandi
O‘zbekiston | 08:36
Mavzuga oid

08:37 / 02.06.2025
O‘zbekistonda ekologiya muhofazasi bo‘yicha Markaziy Osiyo tadqiqot markazi tashkil etiladi

19:01 / 05.04.2025
“Har qanday loyihani, albatta, ekologik ekspertizadan o‘tkazamiz” – ekologiya vaziri AES haqida

16:12 / 20.12.2024
Chiqindilarni boshqarish sohasida to‘lov intizomini mustahkamlashga qaratilgan qonun loyihasi qabul qilindi

09:24 / 12.12.2024