Foto: Reuters
Rossiyalik bokschi Aleksandr Povetkin Kardiffda kechayotgan boks oqshomida angliyalik Devid Praysni mag‘lub etdi.
3-raundda Povetkin dastlab raqibini nokdaun holatiga tushirdi, so‘ngra o‘zi ham nokdaunga uchradi.
5-raundda Prays Povetkin tomonidan yo‘llangan kuchli zarbadan so‘ng nokautga uchradi.
Shu tariqa, Povetkin professional boksdagi 35-jangida 34-g‘alabasiga erishdi.
Bo‘yi 203 sm bo‘lgan 34 yoshli Prays esa, faoliyatidagi 5 mag‘lubiyatiga uchradi, bokschi ularning barchasida nokaut bilan yengilgan.
