Foto: Getty Images
Xorvatiya terma jamoasi jahon chempionatining 1/8 finalida Daniya ustidan g‘alaba qozondi. Uchrashuvning asosiy va qo‘shimcha bo‘limlari 1:1 hisobidagi durang bilan yakunlandi. Penaltilar seriyasida xorvatiyaliklarning qo‘li baland keldi.
Shu tariqa, Xorvatiya terma jamoasi 1/4 finaliga yo‘l oldi va unda musobaqa mezboni Rossiya terma jamoasi bilan kuch sinashadi. Uchrashuv 7 iyul kuni, Toshkent vaqti bilan 23:00 da Sochidagi "Fisht" stadionida bo‘lib o‘tadi.
Eslatib o‘tamiz, avvalroq 1/4 finaliga Fransiya hamda Urugvay terma jamoalari chiqqan edi.
