Xalqaro iste'molchilar tashkiloti - Consumers International - Si-Ay taklifiga ko‘ra, Iste'molchilar huquqlarini himoya qilish jamiyatlari federatsiyasi Si-Ayning Buyuk Britaniya poytaxti Londonda joylashgan global ofisiga tashrif buyurdi.
Ikki tomonlama uchrashuv doirasida Ci-Ay bosh direktori Amanda Long Iste'molchilar huquqlarini himoya qilish jamiyatlari federatsiyasi raisi Jahongir Sarimsoqovga federatsiyani nufuzli xalqaro tashkilot a'zoligiga qabul qilish to‘g‘risida sertifikat topshirdi.
Ta'kidlanishicha, tashrif chog‘ida O‘zbekiston delegatsiyasi vakillari Si-Ay mutaxassislari bilan, xususan, tashkilotning iste'molchilar huquqlari targ‘iboti masalalari bo‘yicha rahbari Jastin Mak Millan va strategik rivojlanish hamda kommunikatsiyalar bo‘yicha rahbari Filip Hant bilan konstruktiv muzokaralar o‘tkazdi.
