Yevropa Ittifoqiga noqonuniy migratsiya oqimi 2018 yilning yanvar-iyunida 2017 yilning shu davriga nisbatan 40 foizga kamaydi. Bu haqda Yevropa chegaralarni nazorat qilish agentligi Frontex ma'lum qilgan.
Xabarda aytilishicha, Sharqiy-O‘rta yer dengizi orqali kelayotgan noqonuniy muhojirlar soni oshmoqda. Bu yo‘nalish bo‘yicha Yevropa Ittifoqiga kelayotgan noqonuniy muhojirlar soni 2017 yilning yanvar-iyuniga nisbatan 2 marta oshgan.
Shu bilan birga YeIga Markaziy O‘rta yer dengizi orqali kelayotgan noqonuniy muhojirlar soni 80 foizga kamaygan.
Ispaniyaga kelgan noqonuniy muhojirlar soni esa 2017 yilning shu davriga nisbatan 2 marta ko‘paygan.