Angliyaning shimolidagi Yorkshir-Deyls milliy bog‘ida “Xelena” po‘rtanasi sharsharani orqasiga oqishga majbur qildi.
Ushbu antiqa hodisani videoga muhrlashga muvaffaq bo‘lingan. Bu vaqtda shamol kuchi 129 km/soatga yetgan. Shamol ta'siri ostida suv yuqoriga qarab oqa boshlagan, buning natijasida sharshara yonida kamalak paydo bo‘lgan.
Angliya, Irlandiya va Shotlandiyani “Xelena”dan tashqari, “Ali” po‘rtanasi ham qamrab oldi. Tabiiy ofat oqibatida 2 kishi halok bo‘lgan, yana bir necha kishi jarohatlar bilan shifoxonaga tushgan. Bu po‘rtana ortidan Buyuk Britaniyaga “Brona” sikloni yaqinlashmoqda. Ta'kidlanishicha, yomon ob-havo 24 sentabrgacha saqlanib qoladi.
