Afg‘oniston qurolli kuchlarining mamlakatning bir nechta viloyatida o‘tkazgan operatsiyalari natijasida oxirgi sutkalarda “Tolibon”ning 60 dan ko‘proq jangarisi yo‘q qilindi. Bu haqda Khaama Press axborot agentligi xabar berdi.
Ma'lum qilinishicha, maxsus kuchlarning harbiy-havo kuchlari ko‘magida amalga oshirilgan operatsiyalari Logar, Vardaq, Gilmand, Uruzg‘on va Paktika viloyatlarida o‘tkazilgan. Natijada “Tolibon”ning radiominorasi ham yo‘q qilingan.
Bartaraf etilgan jangarilar orasida toliblarning dala qo‘mondoni Ubayd ham bo‘lgan. U Vardaq viloyatidagi aviazarba natijasida o‘ldirilgan. Ta'kidlanishicha, jangari “davlat xizmatchilarini o‘ldirishda ko‘mak berish, ushbu qotilliklarni tashkillashtirish va amalga oshirish uchun javobgar” hisoblanadi.
