AQShning Michigan shtatidan bo‘lgan er-xotin, Judi va Uill Uebb 56 yil birgalikda hayot kechirganidan so‘ng bir kunda vafot etishdi. Bu haqda ABC News xabar qilmoqda.
Qayd etilishicha, er-xotinning o‘limi kasalxonada bir necha soatlik farq bilan sodir bo‘lgan.
Ta'kidlanishicha, hayot bilan vidolashishdan oldin er-xotin bir-birining qo‘llarini ushlab olishgan.
Aniqlik kiritilishicha, Judi va Uill Uebb 14 yoshdan tanish bo‘lganlar.
Bundan oldin, birgalikda 70 yil hayot kechirgan er-xotin bir kunda vafot etgani xabar qilingandi.