Amerikalik harbiylar Kobul aeroportida kamida yana 2 hafta qoladi. Bu haqda Pentagon matbuot kotibi Jon Kirbi ABC News telekanali efirida ma'lum qildi.
“Bizning maqsad aeroport o‘z ishini davom ettira olishini ta'minlash, u yerda xavfsizlik va barqarorlikni qo‘llab-quvvatlashdan iborat”, deb aytgan Kirbi.
Uning ta'kidlashicha, AQSh Afg‘onistondagi harbiylarini yana 2 haftaga qoldirmoqchi. “Gap nafaqat amerikaliklarni evakuatsiya qilish, balki bizga oxirgi 20 yil davomida bizga yordam bergan afg‘onlar oldidagi burchimiz haqida bormoqda. Biz bunday odamlardan iloji boricha ko‘prog‘ini olib chiqishimiz lozim”, - deb qo‘shimcha qilgan Pentagon vakili.
OAV ma'lumotlariga ko‘ra, aeroportda uning hududiga kirishga urinayotgan minglab odamlar qolmoqda.