Afg‘onistonning toliblar hukumatida mudofaa vazirini egallagan Mavlavi Yoqub “Tolibon” jangarilariga oq krossovkalar kiyish va selfiga tushishni taqiqlab qo‘ydi. Bu haqda The Wall Street Journal nashri xabar berdi.
Ta'kidlanishicha, bu taqiqlovlar ko‘pchilik toliblar Kobul bosib olingandan keyin ko‘ngilochar bog‘larda qo‘llarida qurol bilan attraksionlar uchayotganlari, ko‘lda g‘oz ko‘rinishidagi qayiqlarda suzib yurganlari suratlarini e'lon qilishi ommaviy tus olgani bilan bog‘liq holda kuchga kirdi. Toliblarning bunday suratlari harakat rahbariyatining achchig‘ini keltirgan.
Toliblar mudofaa vaziri selfi “Tolibon” mansabdor shaxslari xavfsizligiga tahdid hisoblanishi va toliblarning “jafokashlar qoni bilan erishilgan” mavqeyiga putur yetkazishini aytgan.
Bundan tashqari, Yoqubning ta'kidlashicha, oq krossovkalar yelkagacha tushib turuvchi sochlar kabi g‘arbning zararli modasi hisoblanadi.
“Bu qo‘g‘irchoq tuzum harbiy boshliqlari va banditlariga xos harakatlardir”, deb aytgan Yoqub.
