Boyligi bu yil qariyb 12 milliard dollarga ko‘paygan Gautam Adani dunyoning eng badavlat insonlari ro‘yxatida 10-o‘rindan joy oldi.
Hindistonlik milliarder va tadbirkor Gautam Adani Osiyoning eng badavlat odamiga aylandi, deb xabar berdi India Times.
Bloomberg indeksiga ko‘ra, 59 yoshli Adanining boyligi 88,5 milliard dollarga yetgan. U vatandoshi Mukesh Ambanini ortda qoldirib, Osiyoning eng boy kishisiga aylandi.
Shuningdek, boyligi bu yil qariyb 12 milliard dollarga ko‘paygan Gautam
Adani dunyoning eng badavlat insonlari ro‘yxatida 10-o‘rindan joy oldi.
Adani Forbes reytingida ham 90,2 milliard dollar bilan 10-o‘rinni egalladi.
U Adani Group korporatsiyasi raisi hisoblanadi. Korporatsiya dengiz orqali yuk tashish, savdo, qishloq xo‘jaligi, foydali qazilmalar qazish, energetika, ko‘chmas mulk, logistika kabi yo‘nalishlarda faoliyat ko‘rsatadigan kompaniyalarni o‘z ichiga oladi.
Qayd etilishicha, o‘tgan yili Adanining boyligi 40 milliard dollar atrofida edi.
