«Al-Bayt» stadionida kechgan 1/8 final doirasidagi 4-uchrashuv ham yakuniga yetdi.
Angliya milliy jamoasi Senegalga qarshi saf tortib, yirik hisobda zafar quchdi. Henderson Bellingemning uzatmasidan keyin hisobni ochgan bo‘lsa, bo‘lim yakunida Keyn ham turnirdagi dastlabki golini kiritdi – 2:0.
Ikkinchi bo‘limning 57-daqiqasida esa Fodenning o‘yindagi ikkinchi golli uzatmasidan Saka foydalanib, hisobdagi farqni yiriklashtirdi – 3:0.
Shu tariqa, Angliya Senegalni uyiga ravona qildi va chorakfinal doirasida Fransiyaga qarshi maydonga tushadigan bo‘ldi. O‘yin 10 dekabr kuni bo‘lib o‘tadi.
JCh-2022. 1/8 final. 4 dekabr
Angliya – Senegal 3:0
Gollar: 1:0 – 38 Henderson, 2:0 – 45 Keyn, 3:0 – 57 Saka.
Angliya – Pikford, Uoker, Maguayr, Stounz (Dayyer, 77), Shou, Henderson (Fillips, 82), Rays, Bellingem (Maunt, 76), Foden (Grilish, 65), Saka (Reshford, 65), Keyn.
Senegal – Mendi, Sabali, Kulibali, Diallo, Yakobs (Ballo-Ture, 84), Mendi, Siss (Guyye, 46), Ndiay (Deng, 46), Sarr, Diatta (Sarr, 46), Dia (Dediu, 72).
Ogohlantirishlar: Kulibali (76).
