Qoʻshimcha funksionallar
-
Tungi ko‘rinish
O‘zbekiston umumjahon miqyosida ko‘p o‘g‘it ishlatayotgani ma’lum bo‘ldi
Qanchalik ko‘p o‘g‘it sarflansa, shunchalik yaxshi va hosildorlik ham yuqori bo‘ladi, degan fikr to‘g‘ri emas.

Foto: Getty Images
Prognozlashtirish va makroiqtisodiy tadqiqotlar instituti mutaxassislari jahon va O‘zbekistonda o‘g‘it iste’moli darajasini tahlil qildi.
Ma’lumotlarga ko‘ra, 2021 yilda jahon o‘g‘it bozori taqchillikka duch kelgan. 2022 yilda o‘g‘it narxining o‘sishi so‘nggi 70 yildagi eng yuqori darajaga yetgan.
Narxlarga asosan xalqaro ta’minot zanjirlarining uzilishi va gaz narxining oshishi ta’sir ko‘rsatgan, biroq, 2022 yilning ikkinchi yarmida ta’minot zanjirlari tiklana boshlagan. 2022 yil oxirida Yevropada o‘g‘it ishlab chiqarishning tiklanishi fonida narxlar barqarorlashgan.
O‘g‘it narxining jahon miqyosida oshishi muqarrar ravishda ulardan foydalanishning qisqarishiga olib keldi, ayniqsa, daromadi past mamlakatlarda, deydi ekspertlar. Bu esa o‘z navbatida qishloq xo‘jaligi ekinlarining hosildorligini pasaytiradi va oziq-ovqat ishlab chiqarish hajmini qisqartiradi.
O‘zbekistonda gektariga o‘g‘it sarfi deyarli 255 kilogrammni tashkil etadi, bu esa umumjahon o‘rtacha ko‘rsatkichlaridan 74 foiz yuqori, Yevropa va Markaziy Osiyo o‘rtacha ko‘rsatkichlaridan 2,9 barobar ko‘p.
Qanchalik ko‘p o‘g‘it sarflansa, shunchalik yaxshi va hosildorlik ham yuqori bo‘ladi, degan fikr to‘g‘ri emas. Dunyodagi azotli o‘g‘itlarning yarmidan kamrog‘i o‘simliklarning o‘sishiga hissa qo‘shadi, qolganlari esa faqat suv havzalarini ifloslantiradi. Shu sababli so‘nggi 100 yil ichida suv, tuproq va havodagi antropogen azot birikmalarining miqdori ikki baravar oshgan.
Mutaxassislarning ta’kidlashicha, oziq-ovqat xavfsizligiga putur yetkazmagan holda o‘g‘itlarni qo‘llashni tartibga solish zarur. Tuproq va tuproq kimyosini muntazam monitoring qilish va o‘g‘itlardan foydalanishni muvozanatlash qishloq xo‘jaligining barqaror o‘sishini ta’minlash, kelajak avlodlar uchun atrof-muhitni muhofaza qilish imkonini beradi.
Tavsiya etamiz
Odamlar eng tez va sekin qariydigan mamlakatlar aniqlandi
Jahon | 21:57 / 17.07.2025
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
20 iyuldan boshlab 1-2 kunga xorijga chiqqanlar O‘zbekistonga bojsiz tovar olib kirolmaydi
Iqtisodiyot | 19:31 / 15.07.2025
Bolalarni itdek vovullatgan «defektolog»ga yangi jinoiy ish ochildi
Jamiyat | 18:06 / 15.07.2025
So‘nggi yangiliklar
-
Jaziramadan dengizga: nega Bali, Maldiv va Turkiyani tanlashadi?
Jamiyat | 17:22 / 18.07.2025
-
“Test oson bo‘ldi, chunki hammasini tavakkal belgiladim” - abituriyentlar o‘rtasida kichik so‘rov
Jamiyat | 17:11
-
Ekologiya vazirligi Murod Nazarovning qurilishlarida daraxtlar kesilishi holatini tekshirishga chaqirdi
O‘zbekiston | 16:55
-
Antibiotiklardan tashqari boshqa oddiy dorilar ham organizmning tabiiy himoya tizimini buzishi mumkinligi aniqlandi
Fan-texnika | 16:47
Mavzuga oid

11:32 / 18.07.2025
Mo‘g‘ulistondan O‘zbekistonga 100 ming bosh mayda shoxli mollar olib kelinadi

15:49 / 17.07.2025
“Farg‘onaazot” karbamid bozoridagi ustun mavqeni yo‘qotdi - Raqobat qo‘mitasi

16:03 / 16.07.2025
Deputatlar dala chetlariga ekin ekishga oid bahsli qonunni o‘zgarishlar bilan qabul qildi

19:02 / 15.07.2025