Bloomberg dunyo milliarderlarining yangi reytingini e’lon qildi

Louis Vuitton brendi egasi Bernar Arno reytingda birinchi o‘rinni egallab turibdi. Bloomberg uning boyligini 192,9 mlrd dollarga baholadi. Ilon Mask 169 mlrd dollar bilan ikkinchi, Jyeff Bezos 129 mlrd bilan uchinchi o‘rinda qayd etilgan. Bill Geyts, Uorren Baffet va Larri Ellisonning boyligi ham 100 mlrd dollardan oshadi.

Bernar Arno / Foto: Eric Piermont

Bloomberg dunyo milliarderlarining yangilangan ro‘yxatini e’lon qildi.

Nashr talqiniga ko‘ra, Louis Vuitton Moët Hennessy (LVMH) kompaniyalar guruhi prezidenti Bernar Arno 191 mlrd dollar bilan reytingda birinchi o‘rinni egallagan. Uning boyligi hisobot davrida 29 mlrd dollarga ko‘paygan.

Ikkinchi o‘rinni SpaceX asoschisi va Tesla bosh direktori Ilon Mask band etgan. Maskning boyligi 169 mlrd dollarni tashkil etgan.

Amazon asoschisi Jyeff Bezos esa 129 mlrd dollarlik boyligi bilan uchinchi o‘rindan joy oldi. Uning boyligi o‘tgan davr mobaynida 8 mlrd dollarga oshgan.

Bloomberg talqiniga ko‘ra, Top-10 milliarderlar

Bernar Arno, Fransiya, 191 mlrd dollar, LVMH
Ilon Mask, AQSh, 169 mlrd dollar, Tesla, SpaceX
Jyeff Bezos, AQSh, 129 mlrd dollar, Amazon
Bill Geyts, AQSh, 113 mlrd dollar, Microsoft
Uorren Baffet, AQSh, 108 mlrd dollar, Berkshire Hathaway
Larri Ellison, AQSh, 103 mlrd dollar, Oracle
Larri Peyj, AQSh, 92,7 mlrd dollar, Google
Stib Balmer, AQSh, 90,2 mlrd dollar, Microsoft
Sergey Brin, AQSh, 89,1 mlrd dollar, Google
Karlos Slim, Meksika, 85,7 mlrd dollar, Grupo Carso

Shuningdek, Rossiyaning USM Holdings Limited kompaniyasi egasi, asli kelib chiqishi o‘zbekistonlik bo‘lgan rossiyalik milliarder Alisher Usmonov ushbu ro‘yxatda 81-o‘rinda qayd etilgan. Uning boyligi yil davomida 1,26 mlrd dollarga ko‘payib, 19,7 mlrd dollarga yetgan.

#Bill Geyts #Ilon Mask #Bloomberg #Jyeff Bezos #milliarderlar #Bernar Arno