Berlin sudi Shryoderning Bundestagga qarshi da’vosini ko‘rib chiqyapti

Berlin ma’muriy sudi 4 may, payshanba kuni Germaniya sobiq kansleri Gerhard Shryoderning Bundestagga da’vosini ko‘rib chiqishni boshladi, u bir yil avval Shryoderni maxsus huquq va imtiyozlarning bir qismi, jumladan ofis va xodimlardan mahrum qilgan. Shikoyat bo‘yicha qaror shu kuni qabul qilinishi mumkin, dedi sud vakili Shtefan Groskurt. 

Sud majlisida da’vogarning o‘zi ishtirok etmayapti. Shryoderning advokati Mixael Nagel ta’kidlashicha, sobiq federal kanslerni imtiyozlaridan mahrum qilish noqonuniydir. 

Bunday jarayon Germaniya tarixida birinchi bo‘lib, fundamental ahamiyatga ega. Shtefan Groskurtga ko‘ra, bu bilan sudlar allaqachon shakllangan davlat amaliyotini sinovdan o‘tkazmoqda. Ko‘p yillar davomida Germaniya hukumatlarining sobiq rahbarlari va sobiq federal prezidentlar, o‘z vakolatlari tugagandan so‘ng, bir nechta xodimlarga ega bo‘lgan o‘z ofislariga ega bo‘lishgan va butun umri davomida undan foydalangan.

2022 yil may oyida Germaniya hukumati sotsial-demokratlar, «yashillar» va erkin demokratlar koalitsiyasi ushbu tizimni qayta o‘zgartirdi. Sobiq kanslerlarning maxsus xavfsizligi endi maqom bilan oqlanmaydi, balki ular o‘zlarining avvalgi lavozimlari bilan bog‘liq vazifalarni, masalan, omma oldida nutq so‘zlash yoki turli tashkilot va tashabbuslarga homiylik qilish kabi vazifalarni bajarishiga bog‘liq. Shryoder endi bunday majburiyatlarni bajarmaydi, bu Bundestagning budjet qo‘mitasida ko‘rib chiqildi va shu asosda ular sobiq kanslerni nafaqa va xavfsizlikni saqlab qolgan holda ofis va xodimlardan mahrum qildi. Avgust oyida Gerhard Shryoder ushbu qaror ustidan sudga shikoyat qilgan. 

Ommaviy axborot vositalarining hisob-kitoblariga ko‘ra, Shryoderning xodimlariga xarajat yiliga 400 ming yevroni tashkil qilgan. O‘tgan yili uning kabinetida besh nafar xodim ishlagan va idora rahbari oyiga 10 ming yevrodan ortiq maosh olgan. 2022 yil mart oyida ayrim xodimlar sobiq kanslerning Rossiya haqidagi pozitsiyasiga norozilik sifatida u bilan ishlashdan bosh tortdi.