U shu yilning 4 sentabrida 42 yoshni qarshi olardi.
Nuz.uz internet nashri moliyaviy direktori Xayrulla Qosimov hayotdan ko‘z yumdi. Bu ma’lumotni Kun.uz’ga sayt jurnalisti Anna Gritsenko tasdiqladi.
Toshkent shahridagi 42-o‘rta maktabda, so‘ngra Nizomiy nomidagi Toshkent davlat pedagogika universitetida tahsil olgan Xayrulla Qosimov bir necha yildan buyon MEDIA BIZNES MChJ muassisligidagi Nuz.uz nashri tahririyatida faoliyat yuritib kelayotgandi. Uning o‘limi tafsilotlari hozircha ma’lum emas.
Kun.uz Xayrulla Qosimovning yaqinlari va jamoadoshlariga ta’ziya bildiradi.
