Uni bilakka o‘rab qo‘yish mumkin.
Lenovo Tech World ’23 ko‘rgazmasida Motorola kompaniyasi pOLED FHD+ displeyiga ega konseptual smartfonni taqdim qildi. Uni chinakamiga buklash va o‘rash mumkin.
Kompaniyaning qayd etishicha, ushbu texnologiya asosida bukiladigan mobil telefonlar va katta qurilmalar, jumladan, shaxsiy kompyuterlar bilan ishlash bo‘yicha katta tajriba yotadi.
Bunday gadjet gorizontal holatda oddiy Android telefoni kabi ishlashi, bukilgan bo‘lsa, stend gadjetiga aylanishi mumkin. Uni bilakka o‘rab qo‘ysa ham bo‘ladi.
Tekis holatda 6,9 dyuymli ekrandan to‘liq foydalanish mumkin, lekin buklanganda faqat 4,6 dyuymli qismidan foydalansa bo‘ladi.
Smartfonning qachon sotuvga chiqishi va narxi haqida ma’lumot berilmagan.
