2023 yilning 28 noyabr kuni O‘zbekistondagi eng yirik sug‘urta tashkiloti - “O‘zbekinvest” eksport-import sug‘urta kompaniyasi “Toshkent” Respublika fond birjasida birlamchi ommaviy joylashtiruv (IPO)ga bag‘ishlangan Road show o‘tkazdi.
IPO uchun narx diapazoni har bir imtiyozli aksiya uchun 1000 so‘m etib belgilangan. “O‘zbekinvest” 14 million donadan ortiq imtiyozli aksiyalarni chiqardi, bu kompaniya ustav kapitalining 5%ini tashkil etadi. Aksiyalardan kafolatlangan yillik dividend daromadi “Markaziy bankning asosiy stavkasi + 10%” darajasida belgilandi.
“O‘zbekinvest” aksiyalarini ommaviy joylashtirishuvining yakuniy sanasi joriy yilning 15 dekabriga belgilangan bo‘lsa-da, kompaniyaning barcha aksiyalari 7 dekabrda sotilgan.
Aksiyalarga yuqori qiziqish bo‘lganining asosiy sababi “O‘zbekinvest” kompaniyasining yuqori rentabelligi va investorlarning ishonchi bo‘ldi. Shuningdek, investorlarni 2024-yil uchun dividendlarning 36% ni tashkil etuvchi yuqori rentabelligi jalb qilmoqda. Birinchi dividend to‘lovlari 2024 yilning iyul-avgust oylariga mo‘ljallangan, aksiyalarni joylashtirish esa 2023 yil dekabrida bo‘lib o‘tmoqda.
Koll-markaz: (+998) 71−207−60−00, 1160
Sayt|Facebook|Instagram|Telegram|YouTube