Qozog‘istonning Aqto‘be viloyatida nosozlik tufayli to‘xtab qolgan avtobusdan O‘zbekiston va Tojikiston fuqarolari evakuatsiya qilindi.
Qozog‘iston Favqulodda vaziyatlar vazirligi xabariga ko‘ra, texnik nosoz avtobus Qorabutak-Komsomol-Qo‘stanay avtomobil yo‘lining 80-kilometrida to‘xtab qolgan.
Qayd etilishicha, avtobusda O‘zbekiston va Tojikistondan bo‘lgan 17 nafar fuqaro bo‘lgan.
Ular yaqin atrofdagi qishloq masjidiga evakuatsiya qilingan. Fuqarolar tibbiy yordamga muhtoj bo‘lmagan.