Yo‘l-transport hodisasi oqibatida haydovchi va yo‘lovchi tan jarohati olib shifoxonaga yotqizilgan.
Foto: Ijtimoiy tarmoqlar
Poytaxtning Yunusobod tumanida BMW ishtirokida yo‘l-transport hodisasi sodir bo‘ldi.
2024 yil 20 mart kuni soat 03:00 larda Toshkent shahar Yunusobod tumani Ahmad Donish ko‘chasi, 7-sonli shahar klinik shifoxonasi qarshisida BMW rusumli avtomashinasi haydovchisi rul boshqaruvini yo‘qotib, yo‘lni ajratib turuvchi beton to‘siqqa urilib, ag‘darilib ketgan va 7-8 marta ag‘anagan.
Yo‘l-transport hodisasi oqibatida avtoulov haydovchisi va yo‘lovchisi tan jarohati olib shifoxonaga yotqizilgan.
Hozirda holat yuzasidan Toshkent shahar IIBB YHXB tomonidan surishtiruv ishlari olib borilmoqda.
