20:50 / 22.04.2024
13760

Rossiya qo‘shinlari Xarkivdagi teleminoraga zarba berdi

Oqibatda teleminoraning 1/3 qismi quladi, telesignal bilan bog‘liq muammolar paydo bo‘lgani ta’kidlanmoqda. 

Rossiya Qurolli kuchlari Ukrainaning Xarkiv shahridagi teleminoraga zarba berdi. 

Qayd qilinishicha, Rossiya Qurolli kuchlari Moskva vaqti bilan taxminan 16:36 da zarba berib, Derevyanko ko‘chasida joylashgan minoraning uchdan bir qismini qulatgan. Ta’kidlanishicha, konstruksiyaga Ukraina havo mudofaasi (havo hujumidan mudofaa) aloqa antennasi o‘rnatilgan. 

Xarkiv viloyati harbiy boshqarmasi bergan ma’lumotga ko‘ra, zarbadan keyin televizion signalda uzilishlar boshlangan, aholidan hech kim jabrlanmagan. 

Ukrainaning Rossiyaga yaqin joylashgan yettita hududi bir necha kunlardan beri ruslarning raketa zarbalaridan jabr ko‘rmoqda. Bular Xarkiv, Odessa, Xerson, Zaporijjya, Chernigiv, Sumi va Dnipropetrovsk oblastlaridir.

Top