O‘roqda yo‘q, mashoqda yo‘q, xirmonda hozir. Namanganda ham dehqonning bug‘doyi tortib olinyapti
Chust tumanida o‘z mablag‘lari hisobiga g‘alla yetishtirgan fermerga hosilini o‘rib olishiga IIB orqali to‘sqinlik qilinyapti. Fermer bug‘doyini mahalliy klasterga topshirishga majburlanmoqda. Bunday holatlar respublikaning boshqa hududlarida ham ro‘y bermoqda.
“Tumorov Karimboy” fermer xo‘jaligi rahbari Alimardon Tumorov ijtimoiy tarmoqlarda tarqalgan videomurojatida 30 gektar yerda shaxsiy mablag‘ va urinishlari evaziga yetishtirilgan bug‘doyni o‘rib ola olmayotgani – dalasiga kombayn kirita olmayotgani, mahsulotni mahalliy “Art soft cluster”ga topshirishga majburlashayotganini aytgan.
Fermerning aytishi bo‘yicha, mahalliy “Art soft cluster” korxonasi bir necha yil davomida o‘z majburiyatlarini bajarmay kelgan. Shu uchun fermer bu korxona bilan shartnoma tuzmagani, bundan keyin ham tuzmasligini ta’kidlaydi.
Ayni damda fermer barcha soliqlarni to‘lab qo‘ygani, barcha agrotexnik tadbirlarni o‘z hisobidan amalga oshirganiga qaramasdan, hosilini yig‘ib ola olmayotgani sababidan kasod bo‘layotganini, ishchilariga haqini bera olmayotganini aytadi.
O‘zbekistonda g‘alla o‘rimi mavsumi davom etarkan, qonunlarda mustaqil faoliyat yuritishi belgilab qo‘yilgan fermerlar faoliyatiga aralashuvlar bu yil ham ko‘zga tashlanmoqda.
Avvalroq IIB xodimlari Qashqadaryoning Ko‘kdala tumanida fermerning daladasidagi g‘alla o‘rimini to‘xtatib qo‘ygan, Xorazm viloyati Urganch tumanida dehqon yetishtirgan bug‘doyini mahalliy klasterga topshirishga majburlangan edi.
Muallifdan
Qishloq xo‘jaligida oxirgi yillarda yuz berayotgan o‘zgarishlar sohada mutlaqo o‘zgacha muhitni yaratdi. Asosiysi – dehqon-fermerlarda oz bo‘lsa-da EGA hissi paydo bo‘la boshladi. Bu esa, aminmanki, o‘zgarishlarning asosiy natijasi, chunki aynan turli mansabdor-u idoralar aralashuvi oqibatida yuzaga kelgan EGASIZLIK yerlarimizning holati yomonlashishiga, ko‘plab yerlar yaroqsiz holga kelishiga sabab bo‘ldi. Bu – ochiq-oydin haqiqat. Ammo...
Kimdir bu ijobiy jarayonni atay diversiya qilayotgandek... Yo‘qsa, shuncha urinishlar evaziga yuzaga kelayotgan, yerning nihoyat EGALIK bo‘lishiga ichida ezgu niyati bor kim ham to‘sqinlik qilardi?
Shokir Sharipov
Kun.uz
Tavsiya etamiz
«Credit House» ishi: Minglab odamlar uysiz va pulsiz qolyapti
O‘zbekiston | 12:30 / 13.03.2025
«Quvur operatsiyasi»: ruslar uni «urushdagi burilish nuqtasi» deyishmoqda
Jahon | 23:40 / 11.03.2025
Amaldorlar “mahalliy” xizmat avtomobillariga o‘tkazilmoqda
O‘zbekiston | 16:34 / 11.03.2025
Firibgarlar o‘g‘irlagan pullarni qaytarib bo‘lmaydimi?
O‘zbekiston | 15:27 / 11.03.2025
So‘nggi yangiliklar
-
«Rossiyaning navbatdagi manipulyatsiyalari». Zelenskiy Putinning o‘t ochishni to‘xtatish taklifiga bergan javobini izohladi
Jahon | 01:23
-
Misr Isroil va HAMASga 60 kunlik sulh bo‘yicha yangi rejani taklif qildi
Jahon | 00:41
-
Indoneziya prezidenti korrupsionerlar uchun qamoqxona qurilishini e’lon qildi
Jahon | 23:54 / 13.03.2025
-
Tramp Putinning o‘t ochishni to‘xtatish borasidagi bayonotini «umidbaxsh, lekin to‘liq emas» deb atadi
Jahon | 23:23 / 13.03.2025
Mavzuga oid

14:29 / 10.03.2025
“Chigit ekish muddatini majburan belgilab berish noto‘g‘ri” - mutaxassislar

17:10 / 04.03.2025
“Tolibon”ning Qo‘shtepa kanali. Buning O‘zbekistonga ta’siri qanday bo‘ladi?

20:26 / 03.03.2025
Kambag‘allikni qisqartirishda Hindiston tajribasi: muqobil yo‘l topildi

20:37 / 25.02.2025