Toshkent viloyatidagi ayrim zapravkalarda sifatsiz benzin sotilayotgani aniqlandi
Toshkent viloyatida uchta AYoQShda avtobenzin davlat standart talablariga mos kelmasligi holati aniqlandi.

Foto: O‘zenergoinspeksiya
“O‘zenergoinspeksiya” xabariga ko‘ra, holat inspeksiya tomonidan neft mahsulotlarini yetkazib berish va ularni sotuvga chiqarish yuzasidan o‘tkazilgan nazorat tadbirlarida aniqlangan.
Ohangaron tumanida joylashgan “D.” xususiy korxonasiga qarashli AYoQSh o‘rganilganda 4 dona ming litrlik yelim idishlarda dizel yonilg‘isi saqlanayotgani hamda nostandart yelim idishlarga dizel yonilg‘isi quyish holati aniqlangan.
Shuningdek, ushbu shoxobchada sotilayotgan avtobenzindan namuna olinib, laboratoriya tahlillaridan o‘tkazilganda Ai-92 rusumli avtobenzin davlat standart talablariga mos kelmasligi (sifatsiz) ma’lum bo‘lgan.
Bu kabi holatlar Yangiyo‘l tumanida “S.F.B.” MChJ va Parkent tumanida “P.” fermer xo‘jaligiga qarashli AYoQShda ham aniqlangan.
Mazkur holatlar yuzasidan qoidabuzarlikka yo‘l qo‘ygan ushbu AYoQSh kamchiliklar bartaraf etilgunga qadar birja savdolarida ishtirok etishi vaqtincha to‘xtatildi.
Mavzuga oid

15:48 / 08.02.2025
Prezident Ai-80dan voz kechish va aholini arzon yoqilg‘i bilan ta’minlash topshirig‘ini berdi

18:56 / 03.02.2025
2024 yilda O‘zbekistonda gaz, neft va benzin ishlab chiqarish kamaydi

17:26 / 29.01.2025
Qozog‘iston benzin va dizel yoqilg‘isi eksportini taqiqladi

09:51 / 25.01.2025