Trampning savdo siyosatiga Xitoy qanday javob qaytarishi mumkin?

The Economist'ning yozishicha, dunyoning ikkita eng yirik iqtisodiyoti o‘rtasidagi savdo urushining yangi bosqichga o‘tishi global ta’minot zanjirlariga navbatdagi zarba bo‘ladi, shuningdek, AQShda narx-navo oshishiga sabab bo‘ladi.

Xitoy yetakchisi Si Jinping savdo borasidagi muzokaralarda Tayvan va kommunistik partiya boshqaruvi kabi masalalar tortishuv mavzusi bo‘lolmasligini ochiq aytib o‘tdi.

Nashrga ko‘ra, Xitoy AQShning bosimini yumshatish uchun bir necha strategiyalarni amalga oshirmoqda:

Boshqa davlatlar bilan savdoni kuchaytirish: Xitoy eksportni rag‘batlantirish uchun kredit va logistika xizmatlarini qo‘llab-quvvatlamoqda. Qator mintaqalar, xususan Markaziy Osiyo bilan iqtisodiy aloqalarni kuchaytirishga harakat qilmoqda.

Muhim tovarlar eksportini cheklash: Xitoy AQShning texnologiyalar eksportiga cheklovlariga javoban, 2023 yil 1 iyuldan boshlab, galliy va germaniy kabi yuqori texnologiyali minerallarni eksport qilishni taqiqlagan.

Sanoat mustaqilligiga investitsiya kiritish: Xitoy o‘zining yarimo‘tkazgichlar sanoatiga katta mablag‘ kiritib, AQSh texnologiyalariga bo‘lgan bog‘liqlikni kamaytirishga harakat qilmoqda. Ammo bu yo‘nalishdagi ishlar hali yetarlicha rivojlanmagan.

Savdo ziddiyatlari faqat tariflar bilan cheklanmaydi, balki texnologiya urushiga ham tegishli. AQSh Xitoyni zamonaviy yarimo‘tkazgichlar va sun’iy intellekt texnologiyalaridan uzish choralarini ko‘rmoqda. Bunga javoban Xitoy o‘z innovatsiyalariga katta mablag‘ kiritmoqda va Amerika kompaniyalariga nisbatan sanksiyalar joriy etmoqda.