Namanganda maktab direktori xizmat xonasini qimorxonaga aylantirdi
IIB xodimlari tomonidan o‘tkazilgan reydda direktor xonasida sheriklari bilan qimor o‘ynab o‘tirgani aniqlangan. U ishdan bo‘shatilgan.
Chortoq tumanidagi 8-umumta’lim maktabi direktori o‘z xizmat xonasida qimor o‘yini tashkil qilgan. Bu haqda Namangan viloyati Maktabgacha va maktab ta’limi boshqarmasi xabar berdi.

Ma’lum qilinishicha, 17 dekabr kuni Chortoq tumani IIB xodimlari tomonidan o‘tkazilgan reydda maktab direktori o‘z xizmat xonasida sheriklari bilan qimor o‘ynab o‘tirgani aniqlangan. Hozirda holat yuzasidan tuman IIB tomonidan tergovga qadar surishtiruv ishlari olib borilmoqda.
Ichki mehnat tartib qoidalarini qo‘pol ravishda buzgani uchun maktab direktori bilan tuzilgan mehnat shartnomasi ish beruvchi tashabbusiga ko‘ra bir tomonlama bekor qilingan.
Shuningdek, viloyat va tuman mas’ullari ishtirokida maktabda muhokama yig‘ilishi o‘tkazilib, direktor tomonidan sodir etilgan holat tanqid ostiga olingan.
Oldinroq Samarqandda maktabda qarta o‘ynagan direktor ishdan olingandi.
Mavzuga oid

15:15 / 14.02.2025
Har bir tuman va shaharda kamida bittadan inklyuziv maktab tashkil etiladi

14:01 / 13.02.2025
Hududlardagi 39 ta sport maktabi parasport turlariga ixtisoslashadi

10:28 / 01.02.2025
«Bundan fojia yasamaslik kerak» – Toshkentda silga chalingan maktab o‘quvchisi holati haqida ma’lumot berildi

11:16 / 26.01.2025