Husanovning «öğirlangan» goli va Londonda tennisça hisob. Kun öyinlari
|17:33 / 23.12.202429 08220 min
«MYu» yirik hisobda yutqazdi, «Real» «Atletiko»ni quvmoqda. Yakşanba oqşomida Yevropa futbolida röy bergan asosiy voqealar, öyinlardagi gollar va turnir jadvallaridagi vaziyat.
«Liverpul» ötgan mavsumning birinçi davrasidagi mojaroli öyindagi mağlubiyatni (Diogo Jota bahsli vaziyatda çetlatilişi, Luis Diasning toza goli inobatga olinmasligi, töqqiz kişi bölib öynagan mersisaydliklar qöşimça daqiqalarda Matipning avtogoli tufayli yutqazişi) hali ança vaqtgaça unutmaydi. Qizillar javob öyinida qasos olişgandi (4:2), ammo joriy mavsumning 17-turi markaziy uçraşuvida «Liverpul» mehmon emas, mezbondek harakat qildi. Mersisaydliklar yovvoyi pressingi bilan «Tottenhem»ni 3-daqiqadanoq qörquvga sola boşladi, Forster töpni Salohning oyoğiga taşlab berganida, misrlik hujumçi darvozaga töğri zarba bera olmadi. Bir daqiqa ötib Diasning zarbasidan keyin töp ustun yonidan ötib ketdi, 10-daqiqada qizil futbolkadagi futbolçilar uçinçi xavfli vaziyatga ega bölişdi — Salohning zarbasini darvozabon qaytardi.
Vaqt ötgan sayin qanot himoyaçisi bölgan 18 yoşli Greyni mudofaa markaziga qöyişga majbur bölgan «Tottenhem» bunday bosimga doş bera olmasligi oydinlaşib bordi. Saloh aynan yoş himoyaçini jarima maydonida aldab ötib, kuçli zarbasi bilan tösinni titratdi. 23-daqiqada esa Trent öz uslubidagi uzatmasi bilan töpni Diasning boşiga qöndirib berdi. Kolumbiyalik hujumçining bu safargi golini heç kim bekor qila olmasdi.
Umuman olganda, «Liverpul» bu mavsumdagi eng kuçli bölimini ötkazdi. Slot jamoasi tom ma’noda «Tottenhem»ni jarima maydoniga qamab qöydi va töpni qanotdan qanotga oşiriş orqali himoyaçilarni çarçatib, Forster darvozasi qarşisida tahlikali vaziyat yuzaga keltirdi. Uzatmalardan biri Soboslaining boşiga keldi, u aniq zarba bera olmadi, ammo Mak Allister töpni darvozaga kiritib yubordi.
«Şporlar» esa uzun paslar evaziga raqib hududiga yetib borişga urindi. Bu köpam iş bermadi, ammo mezbonlar baribir javob golini urişdi. Bu Mak Allisterning xatosi tufayli röy berdi — Meddison töpni olib qöydi va Alissonning yaqin burçagini nişonga oldi. «Liverpul» fanatlarida hakamga e’tiroz bölgani tabiiy — Aleksisga qöpollik işlatilgan bölişi ham mumkin edi.
Mavzuga oid
Ammo mehmonlar tempni tuşirmadi va bölim oxirida Trent uzun pasi bilan raqib pressingini ortda qoldirib, Salohni oldinga taşladi, u esa Soboslaiga pas berdi, töpni Forsterning oyoqlari orasidan ötkazildi va tabloda 1:3 hisobi porlay boşladi.
Uçraşuvning birinçi bölimi voqealarga boy böldi, ammo ikkinçi bölimdagi işlarni tuşuntirib beriş qiyin. 54-daqiqada Saloh «Tottenhem» darvozasiga törtinçi golni urdi, biroz ötib Soboslaida hisobni 5:1 körinişiga keltiriş imkoniyati böldi.
Bu işni baribir Saloh uddaladi va bu hali hammasi emasdi. «Tottenhem» kutilmaganda uyğondi yoki «Liverpul» juda erta xotirjamlikka berildi. 72-daqiqada Kuluşevski Solankening uzatmasidan keyin hisobni qisqartirdi, ön daqiqa ötib Dominikning özi jamoasining uçinçi goliga mualliflik qildi. Öyinga baribir yakuniy nuqtani «Liverpul» qöydi — Dias olis burçakka aniq zarba yöllab, dublni rasmiylaştirdi.
Natijada hisob yoki hokkeyça, yoki tennisça köriniş oldi. Töqqiz gol – APLning bu mavsumida rekord. Bu şou homiysi – «Tottenhem»ning jarohatlari (yaqinda Postekoglu asosiy tarkibning 10 futbolçisidan ayrilganidan şikoyat qilgandi). Londonliklarda himoyaçilardan faqat Porro safda (Romero, van de Ven, Udoji va Devis kabilar yöq). Qolaversa, Vikario örniga zaxira darvozabon tuşmoqda.
Endi Slot jamoasi eng yaqin ta’qibçisidan tört oçkoga ilgarilab ketdi va zaxirada bir öyini ham bor.
«MYu» qanday öynaşini oldindan aytib bölmaydigan jamoaga aylandi. «Bornmut» bilan öyindagi asosiy voqealar Malasiya qanotda keraksiz fol işlatişi bilan boşlandi. «Giloslar» belgilangan jarima zarbasidan maksimum natija çiqarib oldi va himoyaçi Heysen Kristining uzatmasidan keyin boş bilan zarba yöllab, olis burçakni aniq nişonga oldi. Standart vaziyatlar mankunianlarning oğriqli nuqtasi bölib qolmoqda. Mezbonlardagi ilk xavfli vaziyat tanaffus arafasida yuzaga keldi, ammo Kepa Brunu Fernandeşning zarbasidan keyin özini körsatdi, keyinroq portugaliyalik yarimhimoyaçining jarima maydoni taşqarisidan yöllagan zarbasi ustun yonidan ötib ketdi.
Ruben Amorim tanaffusda jamoadagi eng böş öyin körsatgan futbolçi Malasiyani maydondan oldi, ammo mudofaada boşqa muammo paydo böldi. «Yunayted» bosimni kuçaytirib, Hoylund maydonga taşlanganida, Mazraviy jarima maydonida Klyuyvertni ötkazib yubordi va uning oyoğiga tepib yiqitdi. Jabrlanuvçining özi odatdagi kabi penaltini benuqson ijro etdi, «iblislar» öziga kelib ulgurmasidan Semenyo uzil-kesil öyin taqdirini hal qildi. Jamoasidagi eng faol futbolçi bölgan Garnaço öz reydini kuçsiz zarba bilan yakunlab, intrigani jonlantiriş imkoniyatini qöldan boy berdi.
Bir yil oldin ham «Old Trafford» mezbonlari «Bornmut»dan uçta javobsiz gol ötkazib yuborgandi. Amorim — kuçli murabbiy, ammo baribir sehrgar emas. Qolaversa, «Bornmut» bu mavsumda kuçli öyin namoyiş etmoqda. Birinçi davrada «Arsenal», «Mançester Siti» va «Tottenhem» kabi raqiblarni yenggan Iraola şogirdlari endilikda turnir jadvalida beşinçi öringa kötarildi. «MYu» esa 1989 yildan buyon ilk marta «Boksing dey»ga jadvalning ikkinçi qismida yetib keldi. Payşanba kuni ular xavfli zonada borayotgan «Vulverhempton» mehmoni böladi.
«Everton» ötgan haftada Londonda «Arsenal» hujum çiziği vakillariga öyin bermagandi, bu yakşanbada esa Şon Dayçning retseptlari «Çelsi»ga qarşi öyinda ham iş berdi. Köklar birinçi bölim örtalarigaça birorta tayinli vaziyat yarata olmadi. Hujumlar yakuniy bosqiçga qadar yetib borganida esa ijroda oqsaş kuzatildi. Avvaliga Jyeksonning havodagi töpga yöllagan zarbasi Pikfordga qiyinçilik tuğdirmadi. Keyin Disasining boş bilan yaqin masofadan yöllagan zarbasi ustunga bordi.
Şu bilan birga, Sançes ham darvozada zerikib qolmadi. Ayniqsa tanaffusdan keyingi seyvi yodda qolarli böldi. Ikkinçi bölim örtalarida esa «Çelsi» darvozasi darvozabon va himoyaçilarning birgalikdagi sa’y-harakatlari tufayli daxlsiz qoldi. Şunday ekan, yakuniy 0:0 hisobi öyin mantiğiga mos böldi. «Irislar» darvozasida turgan Pikford uçun yakşanba kungi «quruq» öyin — joriy mavsumdagi yettinçisi böldi va u hozirça APLda bu körsatkiç böyiça tengsiz.
«Real» bu mavsumda özining eng yaxşi futbolini ikkinçi bölimlarda körsatişga örgatib qöydi. «Sevilya» esa bu stereotipga işondi va birinçi bölim örtalarigaça ikki gol ötkazib yubordi. Ikki holatda ham — uzoq masofadan. Mbappe jarima maydoni taşqarisidan gol urişda bu boradagi qirol Valverdedan kam emasligini eslatib qöydi. Fransuz va urugvaylik futbolçilarning zarbalari kuç borasida ham, aniqlik borasida ham öxşaş çiqdi, farq şundaki, töp turliça «töqqizlik»larga bordi. Fransuz hujumçisi professional darajadagi gollari soni böyiça özining taniqli vatandoşi Jiru bilan tenglaşib oldi (355 gol).
Bu mavsumda kiçik jarohatlar xalal berayotgan Rodrigo omilini ham qayd etiş kerak. Hozirda braziliyalik vinger töliq soğ va sönggi uç uçraşuvda beşta (3+2) golli harakat amalga oşirdi. Bu mavsumda undan oldingi barça öyinlarda jami şunça bölgandi. Ikkinçi bölimda esa Braim Dias Lukas Vaskes va Mbappe iştirokidagi kombinatsiyani ajoyib zarba bilan yakunlab, amalda öyin masalasini hal qildi.
«Atletiko»ni bir oçkolik farq bilan ta’qib etayotgan «Qirollik klubi» yangi yilni ikkinçi örinda kutib oladi. Şu bilan birga, Madridning ikki klubida ham bittadan qoldirilgan öyin bor va bu öyinlarda ğalaba qozoniş orqali sönggi haftalarda peşqadamlikni boy bergan «Barselona»dan özib ketişi mumkin. «Sevilya» esa bu öyinni faqat Xesus Navas tufayli esda qoldirişi mumkin. Olqişlar bilan kutib olingan 39 yoşli faxriy futbolçi «Santiyago Bernabeu»da futbolçilik faoliyatining sönggi daqiqalarini ötkazdi. JÇ-2010, Yevro-2012 va Yevro-2024 çempioni, şuningdek UYeFA Kubogi/Yevropa Ligasining tört karra ğolibi uçun bu «Sevilya» safida la ligada ötkazilgan 516-öyin bölib qoldi. Turnirda bir klub uçun bundan köproq öyinni faqat «Real»ning sobiq futbolçilari Raul (550) va Sançis (523), şuningdek kataloniyaliklar safida Messi (520) ötkazgan.
«Napoli»ning şanba kungi ğalabasidan keyin peşqadamlikni öziga qaytariş maqsadi bilan tuşgan «Atalanta» debyutdayoq raqibning autdan maksimal foyda çiqarib olişi tufayli gol ötkazib yubordi. Töp qanot çiziğidan jarima maydoni içidagi Hendersonga yetkazildi, u esa töpni qulay vaziyatdagi Kolomboga taşlab berdi. Bergamoliklar esa Dzappakostaning qanotdan uzatmasi evaziga hisobni tenglaştirişdi. Jarima maydoni içida De Ketelare barçadan ildamroq harakat qilib, boş bilan darvozani işğol etdi.
Tanaffus arafasida esa Lukman «Atalanta»ni hisobda oldinga olib çiqdi. Unda bu işni qiliş uçun oldinroq ham imkoniyatlar bölgandi, ammo standart vaziyatlarda yöllangan zarbalardan keyin «Empoli»ni ikki bor ustun qutqarib qoldi. Ikkinçi bölim boşida esa VAR jarima maydoni içida arbitr körmay qolgan folni kördi va mehmonlar foydasiga belgilangan penalti muvozanatni tiklaşga imkon berdi. «Empoli» durangni uşlab qoliş uçun bor kuçi bilan harakat qildi, ammo De Ketelare beton devordan ham teşik topa oldi. Uşbu belgiyalik yoş yarimhimoyaçi burçakdagi bayroq oldidan çiziq böylab harakatlanib, uç himoyaçi bilan qurşalganiga qaramay, darvozabonning böş qoldirilgan qanotiga zarba berdi. Ğalaba goli — jamoa uçun yil boşidan buyon 125-goli böldi va bu klub rekordi sanaladi.
«Yuventus» bu mavsum duranglar virusiga çalingan. Oldingi tört turda — tört oçko, muxlislar faqat boşqa turnirlardagi natijalar bilan ovunişmoqda. Çempionlar ligasida turinliklar «Mançester Siti»ni yengişgandi, ötgan hafta örtasida esa Italiya Kubogida «Kalyari» tor-mor etildi (4:0). «Monsa» maydonida esa oson bölmadi. Bir tomondan — Makkenni öyin boşidayoq Kopmaynersning burçakdan uzatgan pasini golga aylantirdi, bölim oxirida esa Niko Gonsalesning aniq zarbasi byankonerilarga ğalabali hisobni qaytardi. Boşqa tomondan — mehmonlar mudofaasi işonçli harakat qilmadi va raqibning Birindellidan boşqa futbolçilaridan ham gol ötkazib yuborişi mumkin edi. Tiagu Motta şogirdlari faqat ikkinçi bölimda işonçli öynay boşlaşdi va A seriyada uzoq kutilgan ğalabaga erişildi.
«Borussiya» muxlislari bundesliganing joriy mavsumida safar öyinlaridagi ilk ğalabani faqat yangi yil arafasiga kelib nişonlaşdi. Bu ğalabaga Volfsburgda erişildi, dortmundliklar bu yerda oktyabr oyida ham öynagan va minimal hisobda yutqazib (0:1), Germaniya kubogini tark etgandi. Bu safar esa Malen hisobni oçgaç, «asalarilar» raqibning közini oçirişmadi. Bayyer şvedka uslubidagi zarbasi bilan ikkinçi golni urdi, yana bir neça daqiqa ötib Bayno-Gittens ortidagi şerigini his qilib, töpni qulay vaziyatdagi Brandtga ötkazib yubordi. «Börilar» tört daqiqa içida uç gol ötkazib yuborişdi.
Mezbonlar faqat ikkinçi bölimda öziga kelişdi. Nuri Şahin şogirdlari ança erta xotirjamlikka berildi va Vavro hisobni qisqartirişidan oldinroq «Volfsburg» yana kamida ikkita gol urişi mumkin edi. Qolaversa, 62-daqiqada Gross maydondan çetlatilişi mehmonlarni qiyin ahvolga solib qöydi. Ammo fakt böyiça — bunaqasi kamdan kam kuzatiladi — ozçilik bölib öynaş «Borussiya» foydasiga xizmat qildi. Şundan keyin jamoa jipslaşdi va fidokorlik bilan ustunlikni saqlab qoldi. Safar öyinlaridagi ilk ğalaba darhol effekt berdi: Dortmund yangi yilni yevrokuboklar zonasida (6-örinda) kutib oladi va Çempionlar ligasiga yöllanma beruvçi oxirgi öringa ikki oçko qolgan.
Fransiya: Rossiyalik darvozabon ikki penalti qaytardi
Fransiya kubogida «PSJ» va «Lans» juda erta uçraşdi. Mezbonlar bu öyinda jarohat tufayli asosiy darvozaboni Sambaning xizmatlaridan foydalan olmadi, parijliklar ustozi asosiy yetakçilari Zair-Emeri (57-daqiqagaça) va Barkolyani (66-daqiqagaça) zaxirada qoldirdi.
Donnarummaning içki çempionatda «Monako»ga qarşi öyindagi qörqinçli jarohatidan keyin parijliklarning ikkinçi darvozaboni, rossiyalik Matvey Safonov özini körsatiş imkoniyatiga ega böldi. U ikkinçi bölimda bir neça bor özini körsatdi, ammo 67-daqiqada baribir gol ötkazib yubordi. Burçak zarbasi ijro etilganida özbekistonlik himoyaçi Abduqodirov Husanov raqib futbolçisi Joau Neveş orqali öziga kelib tuşgan töpga kuçli zarba berdi. Gol avvaliga Husanovning nomiga yozilgandi, ammo keyinroq töp yöl-yölakay Mbala N'Zolaga tekkani va rikoşet bölib darvozaga borgani tufayli gol muallifi özgartirildi.
Şu gol urilişi arafasida zaxiradan maydonga tuşgan Gonsalu Ramuş esa bir neça daqiqa ötib hisobni tenglaştirdi — jarima maydoni içida bir harakat bilan yöldan olib, yaqin burçakni aniq nişonga oldi va hisob tenglaşdi. Qöşimça daqiqalarda Husanov boşi yorilgani uçun almaştirildi, öyinda boşqa gol urilmadi va jamoalar penaltilar seriyasiga ötişdi.
Futbol lotereyasida esa Matvey raqib futbolçilarining oxirgi ikki zarbasini qaytardi: N'Zolaning zarbasidan keyin töpni tösinga yönaltirişga ulgurdi, Andi Diufning öng burçakka yöllagan zarbasi yönalişini aniq topdi va parijliklarni 1/16 finalga olib ötdi.
Kun statistikasi
«Liverpul» hujumçisi Saloh APL tarixida rojdestvoga qadar gollar va golli uzatmalar soni böyiça ikkita raqamda ifodalanadigan körsatkiç qayd etgan 1-futbolçi böldi.
«Utrext» himoyaçisi Virgever Niderlandiya çempionatida 8 ta qizil kartoçka oldi. Ligada heç kim bu qadar köp maydondan çetlatilmagan.
«Atalanta»ning Italiya çempionatidagi 13 ğalabasi — ayni vaqtda top-5 ligalarda maksimal körsatkiç.
Ön yetti turdan keyingi 22 oçko — «MYu»ning 1989 yildan buyon eng yomon natijasi.
«Dyunkerk» 26 yil ötib kubok turnirida liga 1 klubini yengişga muvaffaq böldi.
«Galatasaroy» Turkiya çempionatining joriy mavsumida 16 turda 47 gol urişga ulgurdi. Bu birinçilikning şu davri uçun rekord darajadagi sermahsullik hisoblanadi.
«Roma» hujumçisi Dibala A seriyadagi gollari sonini 126 taga yetkazdi. U Gonsalo Higuainni ortda qoldirib, turnir tarixidagi eng yaxşi uçinçi argentinalik töpurarga aylandi. Undan yuqorida faqat Gabriel Batistuta (184) va Ernan Krespo (153) bor.
