Gaz holatidagi yonilg‘ida ishlovchi apparatlarning xavfsizligi bo‘yicha reglament tasdiqlandi

Vazirlar Mahkamasining «Gaz holatidagi yonilg‘ida ishlovchi apparatlarning xavfsizligi to‘g‘risidagi texnik reglamentni tasdiqlash haqida»gi qarori qabul qilindi.

Hujjat bilan gaz holatidagi yonilg‘ida ishlovchi apparatlarning ro‘yxati tasdiqlanmoqda.

Import qilinadigan gaz uskunalari uchun quyidagi ma’lumotlar taqdim etilishi kerak:

tashkilot nomi, savdo nomi yoki savdo belgisi;
tashkilotning pochta manzili.

Ma’lumotlar davlat tilida taqdim etilishi kerak.

Texnik reglament quyidagi talablarni o‘z ichiga oladi:

gaz holatidagi yonilg‘ida ishlaydigan qurilmalar uchun xavfsizlik talablari;
ushbu qurilmalardan foydalanish uchun hujjatlar va qoidalarga o‘rnatilgan talablar;
ularni qadoqlash, identifikatsiyalash va muvofiqlikni baholash uchun bo‘yicha talablar.

Reglament 2025 yilning iyun oyidan kuchga kiradi.

#apparat #yonilg‘i