Beepul ilovasi 2024 yilning 12 oyida tushumning 2,5 barobardan ko‘proq o‘sishini ko‘rsatmoqda. Xizmat turlarining kengayishi va qulay sharoitlar tufayli faol auditoriya (MAU — oylik faol foydalanuvchilar soni) 3,5 barobarga oshdi. Xususan, dekabr oyida 2,4 million mijoz xizmatdan foydalandi.

"O‘tgan yil davomida Beepul funksionalni faol rivojlantirdi va hamkorlik tarmog‘ini kengaytirdi. Xizmat taqdim etuvchi ilova dizayni mukammallashtirildi, uning barqarorligi va xavfsizligi oshirildi, bu esa uni yanada tushunarli qilib, kundalik foydalanishda osonlashtirdi. Shuningdek, Beepul funksiyasi hambi ilovasi ekotizimida o‘rnatilib, undan istalgan aloqa operatorlari mijozlari foydalanishlari mumkin, — dedi Beepul xizmatiga egalik qiluvchi "Beelab" AJ direktori Anatoliy Pavlinov. — Shuningdek, biz ilovaga joylarda eng ommabop to‘lov turlarini birlashtirishga muvaffaq bo‘ldik: o‘z QR-kodlari, shuningdek, TezQR va “Rahmat” yordamida butun O‘zbekiston bo‘ylab tovarlar va xizmatlarni xarid qilish mumkin".

Beeline Uzbekistan mijozlari hozirda hambi va Beepul orqali balansni to‘ldirganda balansga 25% keshbek olishmoqda. Beepul foydalanuvchilari uchun qulay xizmatlar qatoriga OSAGO polisini rasmiylashtirish va ilovaning o‘zida bir necha daqiqada UZCARD hamda HUMO virtual kartalarini ochish imkoniyati qo‘shildi. Dilerlar uchun esa to‘lovlarni qabul qilish platformasi ishga tushirildi. U Beeline Uzbekistan’ning barcha dilerlari va boshqa agentlarga to‘lovlarni, shu jumladan naqd pulda to‘lovlarni tez va xavfsiz qabul qilish hamda tranzaksiyalarni qayta ishlash imkonini beradi, bu esa umumiy mijoz tajribasini yaxshilaydi.

Beepul sodiqlik dasturini ham kengaytirmoqda: 2025 yilda kompaniyaning yangi mijozlari 20 million so‘mgacha foizsiz o‘tkazmalar ko‘rinishida “welcome bonuslari”ni olishadi. Bundan tashqari, barcha foydalanuvchilar BEEP ballarini to‘plashlari va ularni aloqa paketlari hamda bepul o‘tkazmalarga ayirboshlashlari mumkin.

Beepul moliyaviy mobil ilovasi 2024 yilda UZCARD to‘lov tizimi standarti "Uzcard PSda axborot xavfsizligiga qo‘yiladigan talablar" doirasida tashkiliy-texnik tekshiruvdan muvaffaqiyatli o‘tdi, bu esa foydalanuvchilar operatsiyalari va ma’lumotlari xavfsizligining yuqori darajada ekanligidan dalolat beradi. 2024 yil dekabr oyida Beepul HUMO tizimi kartalaridan foydalangan holda operatsiyalar soni bo‘yicha to‘lov tashkilotlari orasida top-5 talikka kirdi.

Beepul to‘lov xizmatining barcha funksiyalaridan foydalanish uchun foydalanuvchilar ilovani App Store va Google Play