23 yanvar, payşanba kuni erta tongda rus qöşinlari Zaporijjyaga yana ballistik raketalar bilan hujum qildi. «Zarba natijasida Zaporijjyadagi turar joy binolari zarar kördi. Portlaş tölqini derazalarga tegib, tomga zarar yetkazdi», — deyiladi Zaporijjya oblasti harbiy ma’muriyati boşliği Ivan Fedorov xabarida.

Keyinroq u birinçi raketa zarbasidan keyin yana zarba berilgani, vayronalar ostidagi odamlar haqida ma’lumotlar borligini yozgan. Şu munosabat bilan voqea joyiga tez yordam xizmati jönatila boşlandi. Biroz vaqt ötgaç, Fedorov jabrlanganlar orasida Davlat favqulodda xizmatining tört nafar xodimi borligini aytdi. Umuman olganda, OHM rahbarining sözlariga köra, bugun ertalab Zaporijjyada törtta portlaş ovozi eşitilgan.

Mahalliy vaqt bilan soat 5:00 dan keyin Fedorov Rossiya zarbasi natijasida jabrlanganlarning umumiy soni 16 kişini taşkil etganini, ulardan beş nafarining ahvoli oğir ekanini, yana beş nafari, jumladan, ikki qutqaruvçining ahvoli örtaça baholanganini ma’lum qildi. «Rossiya zarbasidan yaralanganlar orasida ikki oylik bola ham bor. U hozirgina kasalxonaga yotqizilgan», — deya qöşimça qildi Zaporijjya OHM rahbari.

Rossiya yanvar oyida Zaporijjyaga bir neça bor zarba berdi

18 yanvar kuni ham ertalab rus qöşinlari Zaporijjyaga raketa hujumini amalga oşirdi. Öşanda, Fedorovning sözlariga köra, töqqiz kişi jarohatlangan — «kesilgan jarohatlar, miya çayqalişi, kökarişlar va sinişlar». Bundan taşqari, şaharda bir neçta turar joy binolari şikastlangan.

9 yanvarga ötar keçasi Zaporijjyaga zarbalar natijasida jabrlanganlar soni 113 kişini taşkil etdi, ulardan kamida 13 nafari halok böldi, deb xabar berdi Fedorov. 9 yanvar Zaporijjya oblastida Rossiya hujumida halok bölganlar uçun motam kuni deb e’lon qilindi.

Rossiyaning Ukrainaga qarşi qariyb uç yildan beri davom etayotgan agressiv uruşi boşlanganidan beri Rossiya havo kuçlarining Ukraina şaharlariga hujumlari deyarli har kuni amalga oşirilmoqda. Rossiya rasmiylari öz mamlakati armiyasi faqat Ukrainadagi harbiy nişonlarga zarba berayotganini da’vo qilişda davom etmoqda, biroq bu da’volar mustaqil manbalar, jumladan jurnalistlar tomonidan qayta-qayta rad etilgan.