Toshkent–Xo‘jakent temiryo‘li Chinorkentgacha uzaytirildi
Toshkent–Xo‘jakent elektropoyezdi yo‘nalishi 1,5 kilometrga uzaytirilib, poyezdlar “Chinorkent” bekatigacha boradigan bo‘ldi. Shuningdek, Parkent tumanidagi so‘lim maskanlarga borishni qulaylashtirish uchun 24 kilometrlik Baytqo‘rg‘on–Parkent elektrlashtirilgan temiryo‘li qurilishiga start berildi.

Foto: Toshkent mintaqaviy temiryo‘l uzeli
Toshkent–Xo‘jakent elektropoyezdi qatnovi «Chinorkent» bekatigacha uzaytirildi. Bu haqda Toshkent mintaqaviy temiryo‘l uzeli xabar berdi.
Xo‘jakentdan Chinorkentgacha 1,5 km masofaga temiryo‘l qurildi, shuningdek, “Chinorkent” temiryo‘l bekati qurib bitkazildi hamda 22 yanvar kuni foydalanishga topshirildi.
Bu yerda 150 m uzunlikda perron hamda soyabon qurilib, imkoniyati cheklangan yo‘lovchilar uchun sirg‘anishga qarshi plitalar o‘rnatildi hamda yo‘lovchilar uchun yerosti tunneli barpo etildi.
Endilikda Toshkentdan yo‘lga chiqqan yo‘lovchilar, sayyohlar zamonaviy elektropoyezdda “Chinorkent” temiryo‘l bekatiga yetib kelishi mumkin.
Eslatib o‘tamiz, ushbu yo‘nalishda yangi elektropoyezd 2024 yil dekabr oyidan qatnay boshlagan.
22 yanvar kuni, shuningdek, 23,8 kilometrlik Baytqo‘rg‘on–Parkent elektrlashtirilgan temiryo‘li qurilishiga start berildi.
“O‘zbekiston temiryo‘llari” xabariga ko‘ra, yangi yo‘nalish “Boshtransloyiha” AJ tomonidan loyihalashtirilgan. Qurilish ishlarini temiryo‘lchilar amalga oshiradi.
Loyiha doirasida 2 ta ajratish punkti, 4 ta ko‘prik, 2 ta yo‘l o‘tkazgich, 1 ta tunnel turidagi yo‘l o‘tkazgich, 78 ta suv o‘tkazish inshooti, 7 ta avtomobil yo‘li va temir yo‘li kesishmasi qurilishi rejalashtirilgan.
“Ushbu yangi loyiha yakuniga yetib, foydalanishga topshirilgach, Parkent tumanining tog‘li so‘lim go‘shalariga tashrif buyuruvchilar, ayniqsa, sayyohlar oqimi sezilarli darajada ortishiga zamin yaratiladi”, – deyiladi xabarda.
Tavsiya etamiz
«Credit House» ishi: Minglab odamlar uysiz va pulsiz qolyapti
O‘zbekiston | 12:30 / 13.03.2025
«Quvur operatsiyasi»: ruslar uni «urushdagi burilish nuqtasi» deyishmoqda
Jahon | 23:40 / 11.03.2025
Amaldorlar “mahalliy” xizmat avtomobillariga o‘tkazilmoqda
O‘zbekiston | 16:34 / 11.03.2025
Firibgarlar o‘g‘irlagan pullarni qaytarib bo‘lmaydimi?
O‘zbekiston | 15:27 / 11.03.2025
So‘nggi yangiliklar
-
«Rossiyaning navbatdagi manipulyatsiyalari». Zelenskiy Putinning o‘t ochishni to‘xtatish taklifiga bergan javobini izohladi
Jahon | 01:23
-
Misr Isroil va HAMASga 60 kunlik sulh bo‘yicha yangi rejani taklif qildi
Jahon | 00:41
-
Indoneziya prezidenti korrupsionerlar uchun qamoqxona qurilishini e’lon qildi
Jahon | 23:54 / 13.03.2025
-
Tramp Putinning o‘t ochishni to‘xtatish borasidagi bayonotini «umidbaxsh, lekin to‘liq emas» deb atadi
Jahon | 23:23 / 13.03.2025
Mavzuga oid

16:57 / 10.03.2025
Qirg‘izistonda Botkendan Qo‘qongacha temiryo‘l qurilishi mumkin

12:45 / 10.03.2025
Germaniya temiryo‘l kompaniyasi poyezdlar kechikkani uchun 196,8 mln yevro to‘ladi

21:37 / 07.03.2025
Toshkent va Andijon shaharlari o‘rtasida qo‘shimcha temiryo‘l qatnovi tashkil etildi

10:56 / 02.03.2025