Adliya vazirligi mamlakatda ma’naviyatni yuksaltiriş va kitobxonlik madaniyatini rivojlantiriş maqsadida respublikadagi davlat xizmatlari markazlarida kitob almaşiş uçun maxsus “ziyo ulaşiş” burçaklarini taşkil etmoqda.
“Bukşering” (kitob ulaşiş) – bu kitoblarni erkin almaşiş madaniyatidir. Adliya vazirligi uşbu madaniyatni keng ommalaştiriş maqsadida 2024 yil “Ziyo ulaş” aksiyasini boşladi. Dastlabki bosqiçda adliya tizimi xodimlari özlari öqib bölgan kitoblarni ixtiyoriylik asosida keltirib topşirdilar. Uşbu kitoblardan respublika böylab 200 dan ortiq mahalla kutubxonalari taşkil qilindi.
Endilikda uşbu taşabbusga keng jamoatçilikni ham jalb qiliş maqsadida loyihani yangi bosqiçga olib çiqiş közda tutilgan. Bu taşabbus:
⦁ kitobxonlikni ommalaştiriş;
⦁ jamiyatda özaro hamjihatlik va hurmatni oşiriş;
⦁ yoş avlodni bilimga çanqoq qilib tarbiyalaş kabi ezgu maqsadlarga qaratilgan.
Öquvçilar quyidagi yöllar orqali öz yordamini qöşişi mumkin:
1. Kitoblar hadya qiliş: Özingiz öqigan, lekin hali boşqalarga foydasi tegişi mumkin bölgan kitoblarni davlat xizmatlari markazlaridagi “Ziyo ulaş” burçaklariga olib keling.
2. Atrofdagilarni “Ziyo ulaş” taşabbusini qöllab-quvvatlaşga çaqiriş: Döstlaringiz, hamkasblaringiz va boşqa davlat taşkilotlari xodimlarini uşbu taşabbusda iştirok etişga da’vat eting.
3. Tarğib qiliş: “Ziyo ulaş” burçaklarining afzalliklari haqida yaqinlaringizga aytib bering, ijtimoiy tarmoqlarda ular haqida yozing.
Adliya vazirligi har bir davlat taşkiloti xodimlari va rahbarlarini uşbu taşabbusni faol qöllab-quvvatlaşga çaqirdi.
