2025 yilgi aprel quruq ob-havo bilan boşlanadi, deya xabar bermoqda «Özgidromet» agentligi.
Özbekistonda, odatda, aprel oyi – bahor faslining eng örtasi bölib, bunda boğlarda daraxtlar gullaşi, sabzavot ekinlari va rezavor mevalar hosili şakllanişining boşlanişi davridir.
Bu yilgi aprelning birinçi beş kunligida havo harorati +22…+25 darajadan +27…+30 darajagaça, şimolda, janubda va çöl hududlarda +32 darajagaça kötarilişi kutilmoqda. Oyning ikkinçi beş kunligida havo harorati asosan +22…+27 darajani taşkil etadi.
7 aprelda respublika şimolida, 8–10 aprel kunlari markaziy va şarqiy hududlarda ba’zi joylarda yomğir yoğadi, momaqaldiroq kuzatilişi mumkin.
Oyning ikkinçi va uçinçi ön kunliklarida harorat keçalari +8…+13 darajadan +2…+7 darajagaça, kunduz kunlari +25…+30 darajadan +10…+15 darajagaça özgarib turişi kutilmoqda.
Ötgan yillarda aprel oyi qanday ötgan?
Sinoptiklarga köra, odatda, aprel oyida havo harorati tez kötarilişi davom etadi. Respublikaning katta qismida oyning örtaça harorati mart oyiga nisbatan 5–7 darajaga yuqori böladi. Şimolda va çöl hududlarida havo jadalroq isiy boşlaydi, bunda aprelning örtaça harorati mart oyi qiymatlaridan 8–10 darajaga köp böladi.
Özbekistonda meteorologik kuzatuvlar tarixida 2022 yilning aprel oyi eng issiq bölgan (me’yordan 3–5 darajaga yuqori). Uşbu asrda hududning katta qismida 2009 yilning apreli eng sovuq böldi.
Apreldagi harorat foni köpinça bahoriy beqaror böladi. Havoni bahoriy tez isişi qisqa davrga, ammo ba’zida juda sezilarli sovuqlar bilan davom etadi.
Eng issiq davrlarda havo harorati kunduz kunlari +28…+33 darajagaça kötariladi. Mutlaq maksimal harorat (kuzatuvlarning barça qatori uçun eng yuqori qiymatlar) +35…+37 darajani, şimolda, janubda va çöl hududlarda +38…+39 darajani taşkil etadi.
Sovuq davrlarda, mart oyidagi kabi tez-tez emas, lekin ba’zida tungi harorat darajasi sovuqqaça pasayadi. Aprel – yil davomida eng nam oylardan biridir.
