O‘zbekiston tashqi ishlar vaziri Baxtiyor Saidov kecha tashrif bilan Toshkentga kelgan Yevropa Ittifoqining tashqi ishlar va xavfsizlik siyosati bo‘yicha oliy vakili, Yevropa komissiyasi vitse-prezidenti Kaya Kallas bilan uchrashdi.
"Yevropa Ittifoqining tashqi ishlar va xavfsizlik siyosati bo‘yicha oliy vakili, Yevropa komissiyasi vitse-prezidenti Kaya Kallas xonimni bugun Toshkentda qutlashdan mamnunmiz", – deb yozdi 27 mart kuni O‘zbekiston TIV rahbari o‘zining telegram-kanalida.
Muhokamalardan ikki tomonlama va mintaqaviy aloqalarni yanada kengaytirish masalalari o‘rin oldi.
Samarqandda bo‘lib o‘tadigan "Markaziy Osiyo – Yevropa Ittifoqi" ilk sammiti xalqlar farovonligi yo‘lida samarali aloqalarni mustahkamlashi va yangi imkoniyatlarga yo‘l ochishi alohida ta’kidlandi.
