«Siti» sönggi daqiqada ğalabani ilib ketdi, «Barsa» 40 ta zarbadan bitta gol urdi. Kun öyinlari

«Siti» töpga egalik qildi va tez-tez hujum uyuştirdi, «Aston Villa» tezkor qarşi hujumlar bilan javob qaytardi. Lekin Emeri futbolçi almaştirişda hayalladi va tezkor Doniel Malenni faqat öyin oxirida, 86-daqiqada maydonga tuşirdi. Gvardiola esa öyinda buriliş yasaş harakatlarini 74-daqiqada, dribling va tezkorligi evaziga kutilmaganda raqib jarima maydonida paydo bölib, darvozaga xavf tuğdiradigan Jyeremi Dokuni maydonga taşlaş orqali boşlagandi.

80-daqiqada «Siti» yana bir bor darvozani işğol etdi. Lekin uzatma berilgan vaqtda Omar Marmuş ofsaydda qolgandi va gol inobatga olinmadi. Gvardiola bu vaqtga kelib hafsalasi pir bölgan va tuşkun holatda edi. Endi kameralar asabiy Emerini köproq kuzata boşladi. «Aston Villa» uçun «Etihad»da durang qayd etiş ham ajoyib natija edi.

Ammo mehmonlar hisobni uşlab qololmadi. 90+4-daqiqada Doku çap qanotdan oldinga taşlanib, «Aston Villa» darvozaboni hududiga töp oşirdi. Töp esa barçadan ötib ketdi va narigi tomondan jarima maydoniga kirib kelgan Mateus Nunes heç qanday qarşilikka uçramasdan ğalaba golini urdi – 2:1. «Siti» vaqtinçaga bölsa ham uçinçi öringa kötarilib oldi. «Etihad»da qatorasiga ön beşinçi bor yutqazgan «Villa» esa raqobatçilardan köp öyin ötkazgan holda yettinçi örinda qoldi.

Ispaniya: «Real»ga sovğa bölmadi

La Liga. 33-tur
«Barselona» — «Malyorka» 1:0
Gol: Olmo (46).
«Barselona» — Şesni, Garsiya, Arauxo, Martines, Fort (Martin, 77), Gavi, Pedri, Yamal (de Yong, 87), Olmo (Lopes, 62), Fati (Rafinya, 62), Torres (Viktor, 77). 
«Malyorka» — Roman, Morey, Vallent, Raillo, Kopete, Moxika (Lato, 81), Xosabed (Valeri, 81), Maskarel (Salas, 86), Koşta (Domenek, 66), Darder, Larin (Prats, 86). 
Ogohlantiriş: Koşta (25).

Oldingi haftalarda tiğiz taqvim tufayli «Real» öyinlarni boykot qiliş bilan tahdid qilgandi. Endi esa kataloniyaliklar klubi rahbariyati ham jahl otiga mindi va odatda diplomatik yöl tutadigan Hansi Flik ham Ispaniya çempionati taqvimini tuzuvçilarga zaharini soçdi. Murabbiyni tuşuniş mumkin, çunki jamoa jarohatlar tufayli Balde ortidan Levandovskini ham yöqotdi. Endi polşalik hujumçi şanba kuni «Real»ga qarşi Ispaniya kubogi finalini ham, Çempionlar ligasida «Inter»ga qarşi ikki yarimfinalni ham ötkazib yuboradi.

Seşanba oqşomida esa — kuçsiz mavsum ötkazayotgan va Kataloniya poytaxtida 17 yildan buyon ğalaba qozonmagan «Malyorka»ga qarşi öyinda — kök-anorranglilar tarkibda rotatsiya qildi. Boşlanğiç tarkibda mudofaa pozitsiyasi markazida Erik Garsiyaga ham, Fort va hatto Ansu Fatiga ham joy topildi. Uşbu trio joriy yil boşidan buyon jami öttiz daqiqadan köproq öyin amaliyotiga ega bölgandi. Fatini esa startda ötgan yil 20 oktyabridan buyon körişmagandi. Uning birinçi bölimdagi xato zarbalarini ham undagi öyin amaliyoti yöqligi izohlaydi. Çap qanot vingeri pozitsiyasida tuşgan futbolçi ayniqsa tanaffus arafasida öta qulay imkoniyatni qöldan boy berdi.

Kataloniyaliklarning boşqa futbolçilari ham imkoniyatdan foydalana olmadi, jamoa birinçi bölimning özida 24 zarba yöllab (5 tasi darvoza sohasiga töğri borgan), tablodagi nollarni özgartira olmadi. La ligadagi öyinlarni 2003 yildan buyon kuzatib kelayotgan Opta statistiki kompaniyasi şu vaqtgaça birinçi bölimda şunça zarbadan keyin ham hisob oçilmaganini qayd etmagandi. Ammo ikkinçi bölim boşlanişi bilanoq jarima maydonida qulay pozitsiyada paydo bölgan Dani Olmo töpni yerlatib himoyaçilar orasidan ötkazdi va olis burçakni aniq nişonga oldi. Olmo — «Barsa»ning joriy mavsumda gollari sonini öndan oşirgan Rafinya, Levandovski, Yamal va Ferran Torresdan keyingi beşinçi futbolçisiga aylandi.

Vaziyat «Malyorka»ni 5-4-1 sxemasi böyiça çuqur himoyalanişni töxtatib, oçilişga majbur qildi. Mehmonlarning bir neça hujumlari «Barsa»da ikkinçi qavatda muammolar borligini körsatib qöydi. Arrasate şogirdlari kök-anorranglilar jarima maydonida havodagi töp uçun kuraşlarda ustun kelişdi, lekin mezbonlar uçun heç qanday qörqinçli narsa röy bermadi. Yamal öyin masalasini hal qilib qöyişi mumkin edi, ammo u ham yakkama-yakka vaziyatdan foydalana olmadi. U yoki öziga ortiqça baho berib yubordi, yoki Romanning imkoniyatlarini töğri baholay olmadi – ayyorona finti bilan darvozabonni aldab öta olmadi.

Ikkinçi bölimda ham «Barsa» zarbalar böyiça katta ustunlikka erişdi – 16:4 (darvoza sohasiga töğri borgan zarbalar böyiça 8:0), xG böyiça 0,25 ga qarşi 1,47. Kataloniyaliklar öyin oxirigaça muxlislarini asabiy holatda ötirişga majbur qilgan bölsa-da, ğalabali hisobni saqlab qoldi va «Real»ning bugungi öyini yakunigaça oradagi farqni yetti oçkoga yetkazdi. Hansi Flik şogirdlari sönggi uç yillikdagi eng yaxşi seriyasini qayd etmoqda va ön tört turdan buyon yutqazmayapti (+12=2). Titul yanada yaqin.

Fransiya: parijliklar içki rekordlar harakatida

Liga 1. 29-tur
«Nant» — «PSJ» 1:1
Gollar: Augusto (83) — Vitinya (33). 
«Nant» — Karlgren, Kasteletto, Zeze, Pallua (Muhammad, 73), Adu, Lepenan, Çirivella (Kadevere, 86), Augusto, Kozza, Ablin (Santona, 86), Simon. 
«PSJ» — Donnarumma, Neveş, Markinos, Beraldo, Mendeş (Paço, 62), Zair-Emeri (Barkolya, 62), Vitinya, Ruis, Li Kan In (Ramuş, 63), Dembele (Due, 63), Kvaratsxeliya (Mayulu, 71).
Ogohlantirişlar: Kasteletto (77), Çirivella (79).

Çempionlik masalasini muddatidan oldin hal qilib bölgan «PSJ» futbolçilarining xayoli Çempionlar ligasida «Arsenal»ga qarşi keçadigan öyinlarda ekani tayin, ammo Luis Enrike jamoasida bu mavsum oxiriga qadar «Bojuar»da yutqazmaslik vazifasi ham bor. Birinçi bölim örtalaridan ötganda Li Kan Inning uzatmasidan keyin hisobni oçgan Vitinyaning goli bilan bu vazifani uddalaş uçun birinçi qadam taşlandi. Öyin oxirida esa Duglas Augusto Donnarumma darvozasini işğol etdi. E’tiborli jihati, turnir jadvali quyi qismida borayotgan va katta ehtimol bilan ötiş öyinlarida qatnaşadigan «Nant» bu mavsumda çempionlar bilan ikki öyinda ham durang qayd etdi —ikki safar ham 0:1 hisobi öyin oxirida 1:1 körinişiga keltirildi. 

Albatta, parijliklarni bu hisob ranjitdi, jamoa yetakçisi Dembele esa qatorasiga törtinçi öyinda maydonni golli harakatsiz tark etib, kuzdagi eng yomon seriyasini takrorladi. Şu bilan birga, «PSJ» şu kuni 1993 yildan buyon «Milan» egalik qilib kelgan Yevropa rekordini öziniki qildi. Parijliklar içki çempionat doirasidagi safar öyinlarda 39 öyindan iborat mağlubiyatsiz seriya qayd etdi (+30=9). Şundan katta qismi Enrike davriga töğri keladi, uning boşqaruvida jamoa Fransiya çempionatida safar öyinlarida 32 öyinda yutqazmagan (+24=8). «PSJ» yana bir milliy rekordni ham közlagan. Ayni vaqtda jamoa 30 turni mağlubiyatsiz ötkazdi va «Nant»ning öttiz yil oldingi rekordini takrorlaş uçun yana ikki mağlubiyatsiz öyin ötkaziş kifoya qiladi.