Davlat kotibi Marko Rubio AQŞning hamkorlik formati özgarişini oçiq aytdi, ammo tinçlikka erişiş sa’y-harakatlarini qöllab-quvvatlaş saqlanib qolmoqda, dedi Bryus. Şu bilan birga, Vaşington Rossiyaga qarşi joriy sanksiyalarni bekor qilişni rejalaştirmayapti, dedi Davlat departamenti vakili.
Bryus, şuningdek, mojaroning har ikki tomoniga uruşni özi tugatişi uçun real qadamlarni taklif qiliş va işlab çiqiş vaqti kelganini ta’kidladi.
Avvalroq AQŞ davlat kotibi Marko Rubio Fox News telekanaliga bergan intervyusida Moskva va Kiyevning pozitsiyalari bir-biridan ança uzoqligiça qolayotganini aytgan edi. «Putin butun Ukrainani egallab ololmaydi, Ukraina esa Rossiyani 2014 yilgaça bölgan pozitsiyasiga qaytara olmaydi», dedi Rubio. Uning sözlariga köra, Qöşma Ştatlar tinçlikka erişiş yölidagi sa’y-harakatlardan voz keçmayapti, biroq prezident Donald Tramp tez orada bu masalaga qança vaqt va resurslar sarflaşga tayyorligini hal qilişi kerak.
Rubio Rossiyaning Ukrainaga qarşi uruşi xalqaro kun tartibidagi muhim masala bölib qolayotganini, biroq «Xitoy bilan sodir bölayotgan voqealar dunyo kelajagi uçun uzoq muddatda muhimroq» ekanini ta’kidladi.
