Tadbir yuqori kayfiyatda o‘tdi va yoshlar uchun bayramona muhit yaratildi. Qo‘shiqlar, ijodiy chiqishlar va interaktiv loyihalar orqali yoshlar uchun madaniy-ma’rifiy dastur taqdim etildi.
Ma’lumot uchun, “Yoshlar oyligi” joriy yilda mazmun jihatdan keng qamrovli yo‘nalishlarni o‘z ichiga olmoqda. Xususan, ilm-fan, sun’iy intellekt, zamonaviy kasblar, xorijiy tillarni o‘rganish, kitobxonlikni rag‘batlantirish va intellektual o‘yinlar kabi sohalarga alohida e’tibor qaratilmoqda.
Bungacha ushbu oylik doirasida bayram tadbirlari quyidagi hududlarda o‘tkazilgan:
- 2 iyun — Andijon viloyati;
- 3 iyun — Farg‘ona viloyati;
- 4 iyun — Namangan viloyati;
- 7 iyun — Sirdaryo viloyati;
- 11 iyun — Xorazm viloyati;
- 12 iyun — Qoraqalpog‘iston Respublikasi.
Hozirda “Yoshlar oyligi”ning barcha viloyatlardagi tadbirlari davom etmoqda. Mazkur loyiha orqali yoshlar salohiyatini ro‘yobga chiqarish, ularni zamonaviy bilim va ko‘nikmalar bilan ta’minlash maqsad qilingan.
