2024 yilda O‘zbekistondan Rossiyaga borgan migrantlar soni ma’lum bo‘ldi

Qariyb 1,5 million o‘zbekistonlik 2024 yilda Rossiyaga borgan, bu umumiy migrantlar ulushining 23,3 foiziga teng.

Foto: RIA Novosti

2024 yilda Rossiyaga 6,3 millionga yaqin migrant kelgan bo‘lib, ularning yarmi ishga joylashish maqsadida, dedi Rossiya IIV Migratsiya masalalari bosh boshqarmasi boshlig‘i Valentina Kazakova.

«Biz pandemiyadan oldingi ko‘rsatkichlarga qaytdik. 6,3 millionga yaqin chet el fuqarolari keldi. Bu fuqarolarning 50 foizga yaqini ishga joylashish maqsadida kelgan», dedi u Sankt-Peterburg xalqaro iqtisodiy forumidagi chiqishida.

Xorijliklarning 23,3 foizini O‘zbekiston fuqarolari tashkil qilgan, bu qariyb 1,5 millionga teng.

Shuningdek, 16,7 foizini Tojikiston, 10,4 foizini Qirg‘iziston, 9,5 foizini Belarus fuqarolari tashkil etgan