Aeroportda tanasiga 250 gramm quyma oltinni yashirib olib o‘tayotgan shaxs ushlandi

Viloyat bojxona boshqarmasi xabar berishicha, Farg‘ona aeroportida fuqaro tanasida 250 gramm quyma oltinni olib chiqib ketayotganida to‘xtatib qolindi. 

Aeroportda xorijga uchib ketayotgan fuqaroning xatti-harakatlari bojxona xodimlarida shubha uyg‘otgan. Shu bois fuqaro Body Scaner nazorat texnik vositasi yordamida shaxsiy ko‘rikdan o‘tkazilgan.

Natijada fuqaro tana a’zosiga yashirilgan umumiy qiymati 358 mln so‘mlik, og‘irligi 250 grammga teng bo‘lgan 3 dona quyma oltin bo‘laklari borligi aniqlandi.