O‘zbekiston va Gurjiston TIV hamkorlik dasturini imzoladi

Tbilisida rasmiy tashrif bilan bo‘lgan O‘zbekiston tashqi ishlar vaziri Baxtiyor Saidov Gurjiston tashqi ishlar vaziri Maka Bochorishvili bilan uchrashdi.

Foto: Telegram / bakhtiyor_saidov

"Gurjiston tashqi ishlar vaziri Maka Bochorishvili xonimga delegatsiyamizga ko‘rsatilgan iliq qabul uchun minnatdorlik bildiramiz, – deb yozdi O‘zbekiston TIV rahbari. – Bugun biz sermazmun va keng qamrovli muzokaralarni o‘tkazdik. Ikki tomonlama hamkorlik, mintaqaviy va global masalalar muhokama qilindi, yaqin istiqbolda erishilishi kerak bo‘lgan yangi maqsadlar belgilab olindi".

O‘zbekiston va Gurjiston muzokaralari kun tartibidan biznes doiralarni yaqinlashtirish, turizm almashinuvlarini rivojlantirish, xalqlar o‘rtasidagi aloqalarni mustahkamlash kabi masalalar o‘rin oldi.