Pokistonda og‘ir vaziyatga tushib qolgan ayol O‘zbekistonga qaytarildi

O‘zbekiston fuqarosi Ye.X. mamlakat elchixonasiga murojaat qilib, og‘ir ijtimoiy vaziyatga tushib qolganini, vaqtinchalik turar joy va kundalik ehtiyojlar uchun zarur mablag‘ga ega emasligini ma’lum qilib, yordam so‘ragan.

Uning murojaati elchixona tomonidan alohida nazoratga olinib, zarur konsullik-huquqiy va moddiy yordam ko‘rsatish bo‘yicha choralar ko‘rildi.

Unga O‘zbekistonga qaytish uchun tegishli konsullik guvohnomasi rasmiylashtirildi va elchixona xodimlari hamda homiylar ko‘magida aviachipta xarid qilindi. Ye.X. kuni kecha Uzbekistan Airways aviakompaniyasining Islomobod-Toshkent aviareysi bilan vatanga qaytarildi.